1. Dövlət Geoloji İnformasiya Fonduna rəsmi müraciət etməklə (dgif@eco.gov.az) kitabxana fondundakı kitab və ya başqa sənədlərdən istifadə etmək olar.
2. Vətəndaş şəxsiyyət vəsiqəsilə Dövlət Geoloji İnformasiya Fondunun Kitabxanasına yaxınlaşaraq kitabxanaya üzv ola bilər.
3. Kitabxanaya üzv olan abunəçilər 1 ay müddətində 5-10 nüsxə kitab və başqa sənəd götürə bilər. Dövrü və davamiyyətli nəşrlər isə onlara tələb olmadığı halda abunəçinin istəyi ilə nəşrlərin verilmə müddəti uzadılaraq 15 gündən artıq olmamaq şərti ilə verilə bilər.
4. Oxucu zalında verilən sənədlərin sayı məhdudlaşdırılmır.
5. Nadir nəşr, albom, atlas, sorğu kitabçası, lüğət və ensiklopediyalardan ancaq oxucu zalında istifadə etməyə icazə verilir.
6. Oxucu kitab və başqa sənədlərlə ehtiyatla davranmalı, onları vaxtında qaytarmalıdır. Kitabların cildi və ya səhifələri üzərində qeydlər etmək, vərəqləri cırmaq və ya qatlamaq qəti qadağandır.
7. Hər bir götürülən nüsxə üçün abunəçi oxucu formulyarında imza atmalı, kitablar qaytarılan zaman isə kitabxananın məsul işçisi oxucu formulyarını imzalamalı, oxucunun kitabı götürdüyü və qaytardığı vaxtı qeyd etməlidir.
8. Kitabxana fondundakı kitab və ya sənəd itirildikdə və ya ona əvəzedilməz ziyan dəydikdə oxucu eyni adlı kitabın və ya sənədin yeni nüsxəsini və ya itirdiyi kitabın mövzusuna aid axırıncı 10 ildə çap olunan kitabı qaytarmalıdır.
9. Ümumi qaydalara riayət etməyən oxucu kitabxanadan istifadə etmək hüququndan məhrum edilir.

 

 

Ünvan: Bakı şəhəri, K.Kazımzadə küç., 100 (A)  AZ1073

İş saatı: 09:00-18:00

Əlaqə: (012) 497-58-36