16 oktyabr 1967-ci il təvəllüdlüdür. 1991-ci ildə Moskva Dövlət Universitetinin fəlsəfə fakültəsinin politologiya ixtisasını bitirib. 1991-1992-ci illərdə Azərbaycan Respublikası Dövlət İqtisadiyyat və Planlaşdırma Komitəsində çalışıb. 1992-1993-cü illərdə Azərbaycan Respublikası Xarici İqtisadi Əlaqələr Nazirliyində işləyib. 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasını bitirib. 1994-2003-cü illərdə SOCAR-ın Xarici İqtisadi Əlaqələr İdarəsində, 2003-2007-ci illərdə SOCAR-ın Marketinq və İqtisadi Əməliyyatlar İdarəsində çalışıb. 2000-ci ildə Ümumrusiya Xarici Ticarət Akademiyasının “Dünya iqtisadiyyatı” ixtisasını bitirib. 2007-2010-cu illərdə SOCAR-ın Ekologiya üzrə vitse-prezident vəzifəsində işləyib. 2010-2018-ci illərdə SOCAR-ın “Azərikimya” İstehsalat Birliyinin Müşahidə Şurasının sədri vəzifəsində çalışıb. 2010 və 2015-ci illərdə Azərbaycan Respublikası Milli Məclisinin deputatı seçilib. 2018-ci ilin aprelin 23-dən Azərbaycan Respublikasının ekologiya və təbii sərvətlər naziridir.

07 noyabr 2017-ci ildə Azərbaycan Respublikası Prezidentinin Sərəncamı ilə “Şöhrət” ordeni, 19 sentyabr 2012-ci ildə isə “Tərəqqi” medalı ilə təltif olunmuşdur.

Ümumi məlumat

27  avqust 1979-cu il təvəllüdlüdür.  Bakı Dövlət Universitetinin “hüquqşünaslıq” ixtisası  üzrə bakalavr  və magistr pillələrini bitirmişdir.

Əmək fəaliyyətinə 2000-ci ildə “Zəhmət” kiçik müəssisəsində hüquqşünas kimi başlamışdır. 2005-2006-cı illərdə “Star LTD” MMC-də hüquqşünas, 2006-cı ildə Azərbaycan Respublikası Auditorlar Palatası Gəncə şəhər Auditor təşkilatında hüquqşünas-mütəxəssis, 2006-2009-cu illərdə  Azərbaycan Respublikası Daşınmaz Əmlakın Dövlət Reyestri Xidmətinin Bakı şəhər Ərazi İdarəsinin Hüquq şöbəsində hüquq məsləhətçisi, böyük hüquq məsləhətçisi, 2009-cu ildə Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin Bakı şəhər Ərazi İdarəsinin Hüquq şöbəsində böyük hüquq məsləhətçisi, 2010-2012-ci illərdə Azərbaycan Respublikası Nazirlər Kabineti yanında “İçərişəhər” Dövlət Tarix Memarlıq Qoruğu İdarəsinin Mənzil Kommunal  və təmir xidmətində hüquqşünas, 2012-2013-cü illərdə Azərbaycan Respublikası Nazirlər Kabineti yanında “İçərişəhər” Dövlət Tarix Memarlıq Qoruğu İdarəsinin Hüquq və təşkilati təminat şöbəsinin Hüquq ekspertiza sektorunun baş məsləhətçisi, 2013-2016-cı illərdə Hüquq və təşkilati təminat Hüquqi ekspertiza sektorunun müdiri, 2016-2018-ci illərdə Azərbaycan Respublikasının Prezidenti yanında Mənzil İnşaat Agentliyinin Hüquq və nəzarət şöbəsinin müdir müavini, şöbə müdiri, 2018-2019-cu illərdə Azərbaycan Respublikasının Dövlət Şəhərsalma və Arxitektura Komitəsi Aparatının Hüquq və daxili nəzarət şöbəsinin müdiri, 2019-2024-cü illərdə Azərbaycan Respublikasının Dövlət Şəhərsalma və Arxitektura Komitəsində Aparat rəhbəri vəzifələrində işləmişdir.

Azərbaycan Respublikası Prezidentinin 15 avqust  2024-cü il tarixli 251 nömrəli Sərəncamı ilə Azərbaycan Respublikası ekologiya və təbii sərvətlər nazirinin birinci müavini vəzifəsinə təyin edilmişdir.

03 aprel 1968-ci il təvəllüdlüdür. Azərbaycan Dövlət Pedaqoji İnstitutunu bitirib. 1994-1997-ci illərdə AMEA Coğrafiya institutunun aspirantı olmuşdur. 1990-1992-ci illərdə Dövlət Hidrometeorologiya Komitəsi, sinoptik, mühəndis; 1993-2001-ci illərdə Hidrometeorologiya Xidməti, şöbə rəisi; 2001-2015-ci illərdə ETSN, Milli Hidrometeorologiya Departamenti, Hidrometeoroloji Proqnozlar bürosu, direktor; 2015-2018 AMEA Coğrafiya institununun aqro-iqlimşünaslıq Şöbəsi, aparıcı elmi işçi; 2018-ci il ETSN, Ekoloji Təbliğat Şöbəsi, müdir; Milli Hidrometeorologiya Departamentinin direktoru vəzifəsində işləyib. 2020-2023-cü il tarixlərində Milli Hidrometeorologiya Xidmətinin rəisi vəzifəsində işləyib. 04.03.2023-cü il tarixindən ekologiya və təbii sərvətlər nazirinin müavinidir. Coğrafiya üzrə fəlsəfə doktorudur. 46 elmi məqalənin müəllifi, 5 kitabda həmmüəllifdir.

22 may 2020-ci ildə Azərbaycan Respublikası Prezidentinin Sərəncamı ilə 3-cü dərəcəli “Əmək” ordeni ilə təltif olunmuşdur, 22 may 2009-cu ildə isə “Əməkdar mühəndis”  fəxri adı verilmişdir.

Ailəlidir, 1 övladı var.

 

19 mart 1984-cü il təvəllüdlüdür. 2005-ci ildə Azərbaycan Dövlət İqtisad Universitetinin bakalavr pilləsini “inzibati idarəetmə” ixtisası üzrə, 2008-ci ildə isə magistr pilləsini “iqtisadiyyat və idarəetmə” ixtisası üzrə bitirmişdir. 2005-ci ildə “Esperanto” xarici dillər kursunda ingilis dili üzrə təlimçi kimi fəaliyyət göstərmişdir. 2005-2006-cı illərdə Ekologiya və Təbii Sərvətlər Nazirliyinin Layihələndirmə və Texniki – İqtisadi Əsaslandırma Mərkəzində mütəxəssis, 2007-2008-ci illərdə Ətraf Mühit və Təbii Sərvətlər üzrə Dövlət İnformasiya-Arxiv Fondunda aparıcı mütəxəssis, 2008-ci ildə isə Beynəlxalq Əməkdaşlıq Şöbəsində mütəxəssis vəzifələrində çalışmışdır. 2008-2009-cu illərdə “SRM” MMC-də menecer vəzifəsində işləmişdir. 2009-cu ildə Ekologiya və Təbii Sərvətlər Nazirliyinin Beynəlxalq Əməkdaşlıq Şöbəsinin məsləhətçisi vəzifəsinə təyin edilmiş, 2012-ci ildə həmin Şöbənin sektor müdiri, 2017-ci ildə Şöbənin müdir müavini-sektor müdiri vəzifəsinə keçirilmişdir. 2018-2020-ci illərdə Nazirliyin katibliyində və kollegiya katibi vəzifələrində çalışmışdır. 03 may 2021-ci il tarixdən nazirliyin Aparat rəhbəri vəzifəsində işləyir.

22 may 2021-ci ildə Azərbaycan Respublikası Prezidentinin Sərəncamı ilə “Tərəqqi” medalı ilə təltif olunmuşdur.

Ailəlidir, 2 övladı var.

8 noyabr 1994-cü il təvəllüdlüdür. 2016-cı ildə Azərbaycan Kooperasiya Universitetinin “Beynəlxalq İqtisadi Münasibətlər” fakültəsini “Kommersiya” ixtisası üzrə bitirmişdir. 2019-cu ildə xüsusi proqram çərçivəsində Çin Xalq Respublikasında innovasiyaların idarəedilməsi sahəsi üzrə əlavə peşə təhsili almışdır.

 

Əmək fəaliyyətinə 2012-ci ildə ictimai əsaslarla fəaliyyət gösərən İnformasiya Texnologiyaları Mərkəzinin idarəedici koordinatoru olaraq başlamışdır. 2014-2015-ci illərdə özəl şirkətdə dövlət sifarişli layihələrin idarəedilməsi üzrə layihə meneceri olaraq çalışmış və daha sonra texniki direktor olaraq fəaliyyətini davam etmişdir.

 

2019-2022-ci illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Dövlət Xidmətlərin dizaynı və qiymətləndirilməsi şöbəsinin, Xidmətlərin və sistemlərin qiymətləndirilməsi sektorunun müdiri vəzifəsində çalışmışdır. 8 fevral 2022-ci il tarixindən ekologiya və təbii sərvətlər nazirinin müşaviri vəzifəsində işləyir.

25 iyul 1969-cu il təvəllüdlüdür. 1992-ci ildə Azərbaycan Dövlət Neft Akademiyasını “tətbiqi riyaziyyat” ixtisası üzrə bitirmişdir. 1998-ci ildə İtaliyanın Milan şəhərində yerləşən Scuola Enriche Mattei (ENİ Corporate University) Universitetini “Enerji sektorunda iqtisadi və ekoloji idarəçilik üzrə”, həmçinin 2005-ci ildə İngiltərənin Lester Universitetində “Təchizat zəncirinin idarəçiliyi” ixtisasları üzrə magistr pilləsini bitirmişdir.

Əmək fəaliyyətinə 1992-ci ildə Azərbaycan Neft Layihə və Elmi Tədqiqat İnstitutunda mühəndis olaraq başlamışdır. 1992-ci ildə Azərbaycan Dövlət Neft Akademiyasının aspirantı olmuş, 1995-1997-ci illərdə Azərbaycan Respublikası Dövlət Neft Şirkətinin (SOCAR) Xarici Sərmayələr İdarəsinin Kontraktların Kommersiya Şərtlərinin Riyazi-İqtisadi Modelləşdirmə şöbəsinin aparıcı mütəxəssisi, 1998-2003-cü illərdə həmin İdarənin Maliyyə şöbəsinin rəisi, 2003-2011-ci illərdə Azərbaycan Bakı-Tbilisi-Ceyhan Limited Şirkətinin icraçı direktoru, 2011-2021-ci illərdə Azərbaycan Respublikası Dövlət Neft Şirkətinin Sərmayələr İdarəsinin rəis müavini, 2022-2023-cü illərdə SOCAR Upstream Management İnternational MMC-nin icraçı direktor müavini və 2023-cü ildə “Beteko Qrup” QSC-nin müşaviri vəzifələrində işləyib.

19 sentyabr 2016-cı ildə Azərbaycan Respublikası Prezidentinin Sərəncamı ilə Azərbaycan neft sənayesinin inkişafında xidmətlərinə görə “Tərəqqi” medalı ilə təltif edilmişdir.

Ailəlidir, 2 övladı var.