23 Yanvar 2024

Bu gün Prezident Administrasiyasının QHT-lərlə iş və kommunikasiya şöbəsinin QHT-lərlə iş sektorunun müdiri Tural Əliyev Ekologiya və Təbii Sərvətlər Nazirliyi yanında İctimai Şuranın üzvləri ilə görüşüb. Görüşdə “Yaşıl dünya naminə həmrəylik ili”ndə QHT-lərlə bağlı qarşıda duran vəzifələr, ətraf mühitin mühafizəsi sahəsində ictimai nəzarət funksiyalarının gücləndirilməsi, həmçinin ölkəmizin bu il ev sahibliyi edəcəyi COP29 kimi mötəbər tədbirlə əlaqədar müzakirələr aparılıb, Şura üzvlərinin müvafiq təklifləri dinlənilib və sualları cavablandırılıb.

23 Yanvar 2024

Orta məktəb şagirdlərinin ətraf mühit sahəsində bilik və bacarıqlarının artırılması məqsədilə Altıağac Milli Parkının əməkdaşları tərəfindən Xızı rayonu Xələnc kənd ümumi orta məktəbin şagirdləri ilə maarifləndirici görüş təşkil olunub.

23 Yanvar 2024

Milli Hidrometeorologiya Xidmətinin yanvarın 23-ü saat 12:00-a olan məlumatına əsasən Qarabağ və Şərqi-Zəngəzur, Naxçıvan MR , Qazax-Gəncə, Balakən-Şəki, Dağlıq Şirvan, Quba-Qusar, Mərkəzi Aran və Lənkəran-Astara zonasının dağlıq ərazilərində qar yağır. Bakı və Abşeron yarımadasında da səhər saatlarından başlayaraq sulu qar, qar davam edir.

23 Yanvar 2024

”Batareyaları təhvil ver, təbiəti qoru” layihəsi çərçivəsində “Azercell”in Baş ofisindən, “Bravo” supermarketlər şəbəkəsinin Əhmədli hipermarketindən ümumilikdə 48 kq işlənmiş batareya toplanaraq "Təhlükəli Tullantılar" MMC-yə təhvil verilib.

23 Yanvar 2024

Milli Hidrometeorologiya Xidmətinin yanvarın 23-ü saat 09:00-a olan məlumatına əsasən əvvəlcədən xəbər verildiyi kimi ölkə ərazisində yağıntılı hava şəraiti müşahidə olunur. Bəzi yerlərdə sulu qar, qar yağır. Ayrı-ayrı yerlərdə intensivdir. Bakıda və Abşeron yarımadasında da səhər saatlarından sulu qar, qar yağır.