“Yanğın təhlükəsizliyi” mövzusunda növbəti praktiki təlimlər keçirilib

Meşə yanğınlarının qarşısının alınması məqsədilə 7 və 9 saylı Regional Meşə Təsərrüfatı Mərkəzlərinin, FHN-in Regional Dövlət Yanğın Nəzarəti İdarəsinin, 9 saylı Regional Ekologiya və Təbii Sərvətlər İdarəsinin, şəhər icra nümayəndəliyinin və şəhər bələdiyyəsinin əməkdaşlarının iştirakı ilə Şəki və Ağcabədi rayonlarında “Yanğın təhlükəsizliyi” mövzusunda təlimlər keçirilib.

Təlimlərdə meşə və yaşıllıq ərazilərdə baş verə biləcək yanğın hadisələrinə qarşı profilaktik tədbirlərin səmərəliliyinin artırılması, yanğınların qarşısının vaxtında alınması sahəsində birgə əməkdaşlığın daha da genişləndirilməsinin əhəmiyyəti müzakirə edilib, yanğınların söndürülməsi metodları əyani olaraq göstərilib.