19 noyabr 1959-cu il təvəllüdlüdür. 1985-ci ildə Azərbaycan Neft və Kimya İnstitutunun “dağ mühəndisi-geofizik” ixtisası üzrə bitirmişdir.

1985-ci ildə Azərbaycan Geologiya İdarəsinin Geofiziki Ekspedisiyasında böyük texnik-geofizik işləmiş, 1985-1991-ci illərdə Böyük Qafqazın dərinlik geoloji-tektonik quruluşunun öyrənilməsi lahiyələri üzərində işləmiş, 1994-1995-ci illərdə Türkiyə Cumhuriyyəti Ərzrum Atatürk Universitetində işləmiş, 1991-2002-ci illərdə Geologiya İdarəsinin ZPKGP və Seysmogeodinamika GİM-nin baş geofiziki vəzifələrində çalışmışdır.

2002-2006-cı illərdə Ekologiya və Təbi Sərvətlər Nazirliyi Milli Geoloji Kəşfiyyat Xidmətinin Geoloji monitorinq mərkəzinin baş geofiziki, 2006-cı ildən Mərkəzin direktoru vəzifəsində, 2018-2019-cu illərdə Geofiziki Ekspedisiyanın rəisi vəzifəsində çalışmışdır.

2019-cu il tarixdən Milli Geoloji Kəşfiyyat Xidmətinin Kompleks Planlama İdarəsinin rəisi-baş geoloq vəzifəsinə təyin edilmiş, Xidmətin rəisi vəzifəsini icra etmişdir. 01 dekabr 2020-ci il tarixdən Milli Geoloji Kəşfiyyat Xidmətinin rəisi vəzifəsində çalışır.

Azərbaycan Geofizikləri və Azərbaycan Seysmoloqlar Assosiasiyasının üzvü, AMEA-nın Geologiya və Geofizika İnstitutunun dissertantıdır. “Azərbaycanın Tektonikası (IV cild)” həmmüəlifi, 50-dən artıq elmi məqalənin müəllifidir.

Həmçinin, Azərbaycan Respublikası Prezidentinin 2020-ci il 22 may tarixli 2065 nömrəli Sərəncamı ilə “Əməkdar mühəndis” fəxri adı verilmişdir.

Yeni Azərbaycan Partiyasının üzvüdür, ailəlidir, 3 övladı var.