Ağac tinglərinin paylanılması aksiyası davam edir

“Bu yaz özün bir təbiət yarat!” devizi altında Ekologiya və Təbii Sərvətlər Nazirliyi tərəfindən keçirilən yaz ağacəkmə kampaniyası çərçivəsində vətəndaşlara müxtəlif cinsliağac tinglərinin paylanılması aksiyası davam edir.

Növbəti aksiya 10 aprel 2019-cu il tarixində Bakının Səbail rayonu, Dəniz Administrasiyasının qarşısındakı parkda saat 11:00-dan 12:00-dək, Qaradağ rayonu, Lökbatan qəsəbəsi, Heydər Əliyev parkının qarşısında saat 12:00-dan 13:00-dək, Nərimanov rayonu Nərimanov parkının qarşısında saat 14:00-dan 15:00-dək, Sumqayıtda Lüdviqshafen  parkının, Mingəçevirdə isə Dostluq parkının qarşısında saat 11:00-dan 13:00-dək keçiriləcək.

Aksiyalarda vətəndaşlara müxtəlif cinsli ağac tinglərinin əkilməsi və qulluq göstərilməsi qaydalarına dair Nazirliyin mütəxəssisləri tərəfindən tövsiyələr veriləcək.