Milli Hidrometeorologiya Departamentində şagirdlərlə görüş keçirilib

5 aprel 2019-cu il tarixində Milli Hidrometeorologiya Departamentində Tofiq İsmayılov adına 6 saylı məktəb-liseyin bir qrup şagirdləri ilə görüş keçirilib. Görüş zamanı şagirdlərə ölkə ürzə mövcud hidrometeoroloji şəbəkədən daxil olan müşahidə məlumatlarının sistemləşdirilməsi haqqında  məlumatlar verilib. Daha sonra şagirdlərin hava proqnozlarının necə hazırlanmasına böyük marağını nəzərə alaraq, MHD-nin mütəxəssisləri onları Proqnozlar bürosunun işi ilə tanış ediblər. Şagirdləri maraqlandıran çoxsaylı suallar cavablandırılıb.