“Caspian Ecology” 9-cu Azərbaycan Beynəlxalq Ətraf Mühit Sərgisi davam edir
15 Noyabr 2018, 00:00
Ətraf mühitin mühafizəsi sahəsində innovativ texnologiyaları tətbiq edən beynəlxalq və yerli şirkətləri, dövlət və qeyri-hökumət təşkilatlarını bir araya gətirmək, perspektivli əməkdaşlıq və təcrübə mübadiləsi üçün zəmin yaratmaq məqsədi daşıyan “Caspian Ecology” 9-cu Azərbaycan Beynəlxalq Ətraf Mühit Sərgisi davam edir.
Sərgidə Ekologiya və Təbii Sərvətlər Nazirliyi tərəfindən meşələrimiz – milli sərvətimizdir, fauna və flora müxtəlifliyi, balıqçılıq və akvakultura, Azərbaycanın xüsusi mühafizə olunan təbiət əraziləri, Azərbaycanın Milli Parkları, Azərbaycanın palçıq vulkanları, hidrometeorologiya və digər sahələrdə görülmüş işləri əks etdirən stendlər ziyarətçilər tərəfindən maraqla qarşılanır.
Qeyd edək ki, ETSN təşkilatçılığı ilə keçirilən “Caspian Ecology” 9-cu Azərbaycan Beynəlxalq Ətraf Mühit sərgisinin son günü 16 noyabr 2018-ci il tarixidir.