Su Hövzələrində Bioloji Resursların Artırılması və Mühafizəsi Departamenti tərəfindən 2018-ci ilin 6 ayı ərzində görülmüş işlər

2018-ci ilin 6 ayı ərzində  Ekologiya və Təbii Sərvətlər Nazirliyinin Su Hövzələrində Bioloji Resursların Artırılması və Mühafizəsi Departamentinin əməkdaşları tərəfindən ölkə ərazisində balıq və digər su bioresurslarının mühafizəsi məqsədilə araşdırma aparılıb. 

Araşdırma zamanı qanun pozuntularına görə 63 akt və 79 protokol tərtib edilib. Tədbir görülməsi üçün 68 iş hüquq-mühafizə orqanlarına göndərilib.

Qanunu pozan şəxslərdən  35  üzmə vasitəsi, 11 ədəd asma qayıq mühərriki, qanunsuz ov aləti olan 638 ədəd  tor və 1880 ədəd qarmaq, 2161 ədəd müxtəlif növ balıqlar, su bioresursu olan 1103 ədəd qurbağa və 1341 ədəd krevet götürülüb.

Bioloji resurslara vurulan ziyana görə 41932 manat məbləğində iddia qaldırılıb, 11500 manat məbləğində inzibati qaydada  cərimə tətbiq edilib.