Xəbərlər

Şahdağ Millli Parkında baş vermiş yanğın söndürülüb

20 Avqust 2017, 00:00

20 avqust 2017-ci il tarixində saat 08:45 radələrində Şahdağ Milli Parkının Qəbələ rayonu ərazisində, rayonun Tikanlı kəndi ilə həmsərhəd hissəsində baş vermiş yanğın Ekologiya və Təbii Sərvətlər və Fövqəladə Hallar Nazirliklərinin yerli qurumlarının əməkdaşlarının birgə səyləri nəticəsində saat 12 radələrində söndürülüb.

Görülmüş operativ tədbirlər nəticəsində yanğının digər ərazilərə keçməsinin qarşısı alınıb. Yanğın zamanı təxminən 0,3 hektar ərazidə quru ot və kol örtüyünə ziyan dəyib.

Yanğının baş vermə səbəblərini müəyyən etmək üçün Şahdağ Milli Parkı tərəfindən yerli polis şöbəsinə müraciət olunub