Yanğın hadisəsi baş verib

5 avqust 2016-cı il tarixində saat 20 radələrində Zaqatala Dövlət Təbiət Qoruğunun Balakən rayon ərazisinin Qaraçay sahəsinin 5 saylı dolayında yanğın hadisəsi baş verib. 

Yanğının söndürülməsi üçün əraziyə Ekologiya və Təbii Sərvətlər və Fövqəladə Hallar Nazirliklərinin yerli qurumlarının əməkdaşları cəlb olunub və yanğın qısa müddət ərzində söndürülüb. Yanğın 6 sot ərazini əhatə edib və quru ot örtüyü, kol-kos yanıb.

Yanğının baş vermə səbəblərinin və dəymiş ziyanın müəyyənləşdirilməsi istiqamətində araşdırma aparılır.

Ekologiya və Təbii Sərvətlər Nazirliyi havaların isti keçməsi ilə əlaqədar əhalini bir daha təbiətdə olarkən odla ehtiyatlı olmağa, taxıl məhsullarının biçini zamanı yanğın təhlükəsizliyi normalarına riayət etməyə, söndürülməmiş siqaret kötüklərini ətrafa atmamağa, yanğın təhlükəsizliyi qaydalarına əməl etməyə və xalqımızın milli sərvəti olan meşələrimizi qorumağa çağırır.