Ulu öndər Heydər Əliyevin doğum günü ilə əlaqədar regionlarda ağacəkmə aksiyaları keçirilib

Ümummilli Lider Heydər Əliyevin doğum günü ilə əlaqədar 10 may 2016-cı il tarixində Ekologiya və Təbii Sərvətlər Nazirliyinin əməkdaşları tərəfindən respublikanın rayonlarında ağacəkmə aksiyaları keçirilib.

Ulu öndərin 93-cü ildönümü ilə əlaqədar keçirilən ağacəkmə aksiyalarında Nazirliyin yerli qurumlarının minlərlə əməkdaşı iştirak edib. Ümumilikdə respublika üzrə 34 hektar ərazidə dibçəklərdə yetişdirilmiş, bütün mövsümlərdə əkilməsi mümkün olan 55 minə yaxın Eldar şamı, sərv, tuya və digər həmişəyaşıl ağac cinsləri əkilib.