Şirvan Milli Parkının ərazisində yanğın hadisəsi baş verib

25 may 2013-cü il tarixində saat 16:15 radələrində Şirvan Milli Parkının ərazisində yanğın hadisəsi baş verib.
Yanğın zamanı güclü külək səbəbindən alov qısa müddət ərzində ətraf ərazilərə yayılmağa başlayıb.
Yanğın Ekologiya və Təbii Sərvətlər Nazirliyinin və Fövqəladə Hallar Nazirliyinin regional Yanğından Mühafizə əməkdaşlarının səyləri nəticəsində saat 17:30 radələrində lokallaşdırılıb və tam olaraq söndürülüb.
Yanğın nəticəsində Şirvan Milli Parkının 3 hektara yaxın ərazisində ot və kol örtüyünə ziyan dəyib.
Hazırda yanğının səbəblərinin müəyyənləşdirilməsi istiqamətində iş aparılır.