Ümummilli Lider Heydər Əliyevin 90 illik yubileyi çərçivəsində Bakı Qızlar Universitetində tələbələrlə görüş keçirilmişdir

02 may 2013-cü il tarixində ictimaiyyətin ətraf mühitin birgə mühafizəsinə cəlb olunması və Ulu Öndərin ideyalarının təbliği məqsədi ilə Bakı Qızlar Universitetində tələbələrlə görüş keçirilmişdir.
Tədbirdə Ümummilli lider tərəfindən ölkədə vaxtilə ekoloji vəziyyətin yaxşılaşdırılması istiqamətində həyata keçirilən tədbirlər haqqında danışılaraq onun ideyalarının gənclərin ekoloji bilik və bacarıqlarının artırılması sahəsində əhəmiyyəti diqqətə çatdırılmışdır.
Eyni zamanda, su ehtiyatlarının idarə olunması, xüsusi mühafizə olunan təbiət ərazilərinin inkişafı, iqlim dəyişmələri, ətraf mühitin mühafizəsi sahəsində həyata keçirilmiş tədbirlər, Azərbaycan Respublikasının ekoloji vəziyyəti, istehsalat və məişət tullantılarının idarə olunması, yaşıl iqtisadiyyat və davamlı inkişaf, Xəzər dənizinin dəniz ətraf mühitinin mühafizəsi, işğal olunmuş ərazilərdə ətraf mühitə dağıdıcı təsirin müəyyənləşdirilməsi və s. mövzularda geniş informasiya verilmiş, həmçinin tələbələri maraqlandıran suallar cavablandırılmışdır.
Tədbir ətraf mühit və təbii sərvətlərin mühafizəsinin təbliği, ali təhsil müəssisələrinin ətraf mühit sahəsində təhsil alan tələbələri ilə daimi əlaqənin yaradılması və təbliğat sahəsində geniş şəbəkənin formalaşdırılması məqsədilə Nazirlik və sözügedən Universitet arasında qarşılıqlı əməkdaşlıq çərçivəsində yaradılmış ekoklubun təşkilatçılığı ilə baş tutmuşdur.