Respublikanın çaylarında və transsərhəd çaylarda mövcud vəziyyət

Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə avqust ayının ilk günlərində Respublika çaylarının sululuğunda əsasən azalma müşahidə olunmuşdur.
Hazırda Böyük Qafqazın Şəki-Zaqatala bölgəsi çaylarında sululuq ongünlük normanın 80, Quba-Xaçmaz bölgəsi çaylarında 80-95, Lənkəran-Astara bölgəsinin çaylarında 90, Kiçik Qafqazın çaylarında 90-95, Naxçıvan MR-sı çaylarında isə normanın 50 faizini təşkil edir.

Tranzit çaylarda hazırki vəziyyət
Kür çayının Qıraqkəsəmən məntəqəsində su sərfi 97 m³/san, yəni ongünlük normanın 73 faizini (2010-cu ildə 105 m³/san olmaqla 79 faizini), Qanıx çayının Əyriçay məntəqəsində isə su sərfi 46 m³/san, yəni ongünlük normanın 66 faizini (2010-cu ildə 64 m³/san olmaqla 92 faizini) təşkil edir.

Kür çayının aşağı axınında hazırki vəziyyət
Hazırda Surra məntəqəsində suyun səviyyəsi 428 sm (2010-cu il avqustun 03-də 570 sm), Şirvanda 307 sm (2010-cu il avqustun 03-də 505 sm ), Salyanda 305 sm (2010-cu il avqustun 03-də 526 sm), Bankədə 249 sm (2010-cu il avqustun 03-də 324 sm), Araz çayının Novruzlu məntəqəsində isə 143 sm (2010-cu il avqustun 03-də 290 sm) təşkil edir.