Respublikanın çaylarında və transsərhəd çaylarda mövcud vəziyyət

Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, iyul ayının əvvəllərində Respublikanın çaylarında sululuğun bir qədər azalması müşahidə olunmuşdur. Hazırda Böyük Qafqazın Quba- Xaçmaz bölgəsi çaylarında sululuq ongünlük normanın 65-130, Lənkəran-Astara bölgəsi çaylarında 40-250, Kiçik Qafqaz çaylarında 65-105, Naxçıvan MR çaylarında isə 104 faizini təşkil edir.
Tranzit çaylarda hazırki vəziyyət
Kür çayının Qıraqkəsəmən məntəqəsində su sərfi 285 m³/san, yəni ongünlük normanın 95 faizini ( 2010-cu ildə 252 m³/san olmaqla ongünlük normanın 84 faizini), Qanıx çayının Əyriçay məntəqəsində isə su sərfi 115 m³/san, yəni ongünlük normanın 79 faizini ( 2010-cu ildə 160 m³/san olmaqla ongünlük normanın 110 faizini) təşkil edir.

Kür çayının aşağı axınında hazırki vəziyyət
Hazırda Surra məntəqəsində suyun səviyyəsi 471 sm (2010-cu il iyulun 4-də səviyyə 698 sm, 2010-cu il mayın 21-də maksimal səviyyə 955 sm), Şirvanda 367 sm (2010-cu il iyulun 4-də səviyyə 628 sm, 2010-cu il mayın 18-də maksimal səviyyə 853 sm), Salyanda 375 sm (2010-cu il iyulun 4-də səviyyə 630 sm, 2010-cu il mayın 18-də maksimal səviyyə 855 sm), Bankədə 279 sm (2010-cu il iyulun 4-də səviyyə 371 sm, 2010-cu il mayın 18-də maksimal səviyyə 503 sm), Araz çayının Novruzlu məntəqəsində isə 215 sm (2010-cu il iyulun 4-də səviyyə 423 sm, 2010-cu il mayın 21-də maksimal səviyyə 734 sm) təşkil edir.