Dövlət Fonduna aid olan qış-otlaq sahəsində yanğın hadisəsi baş vermişdir

21 iyun 2011-ci il tarixində saat 15-30 radələrində İlisu Dövlət Təbiət Qoruğu ilə həmsərhəd ərazidə yanğın hadisəsi baş vermişdir. Yanğın Dövlət Fonduna aid olan qış-otlaq sahəsinin 20 hektar ərazisini əhatə etmişdir.
İlisu Dövlət Təbiət Qoruğunun əməkdaşları tərəfindən yanğının qoruq ərazisinə keçməsinin qarşısı alınmışdır.
Hazırda hadisə ilə bağlı Fövqəladə Hallar Nazirliyinin Qax rayon Dövlət Yanğın Nəzarəti Xidmətinin əməkdaşları tərəfindən ərazidə təhqiqat aparılır.