Respublikanın çaylarında və transsərhəd çaylarda mövcud vəziyyət

Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 45-90, Lənkəran-Astara bölgəsi çaylarında 30-60, Kiçik Qafqaz çaylarında 75-85, Naxçıvan MR çaylarında isə 50 faizini təşkil edir.
Tranzit çaylarda hazırki vəziyyət
Kür çayının Qıraqkəsəmən məntəqəsində su sərfi 733 m³/san, yəni ongünlük normanın 98 faizini ( 2010-cu ildə 840 m³/san olmaqla ongünlük normanın 112 faizini), Qanıx çayının Əyriçay məntəqəsində isə su sərfi 211 m3/san, yəni ongünlük normanın 104 faizini ( 2010-cu ildə 244 m3/san olmaqla ongünlük normanın 120 faizini) təşkil edir.
Kür çayının aşağı axınında hazırki vəziyyət
Hazırda Surra məntəqəsində suyun səviyyəsi 713 sm (2010-cu il mayın 19-dа səviyyə 940 sm, 2010-cu il mayın 21-də maksimal səviyyə 955 sm), Şirvanda 622 sm (2010-cu il mayın 19-dа səviyyə 852 sm, 2010-cu il mayın 18-də maksimal səviyyə 853 sm), Salyanda 551 sm (2010-cu il mayın 19-dа səviyyə 849 sm, 2010-cu il mayın 18-də maksimal səviyyə 855 sm), Bankədə 380 sm, (2010-cu il mayın 19-dа səviyyə 505 sm, 2010-cu il mayın 18-də maksimal səviyyə 503 sm), Araz çayının Novruzlu məntəqəsində isə 445 sm, (2010-cu il mayın 19-dа səviyyə 719 sm, 2010-cu il mayın 21-də maksimal səviyyə 734 sm) təşkil edir.