Qanunsuz ov hallarına qarşı mübarizə davam etdirilir

Ekologiya və Təbii Sərvətlər Nazirliyinin aidiyyəti qurumlarının əməkdaşları tərəfindən 01 yanvar-27 mart 2011-ci il tarixlərində aparılan araşdırmalar zamanı Altıağac Milli Parkının ərazisində qanunsuz ovla məşğul olan 5 nəfər saxlanılmış, onlardan 5 ov silahı götürülmüş, 1 nəfərə inzibati qaydada cərimə tətbiq edilmiş, digər 4 nəfərin şəxsiyyətinin müəyyən edilməsi üçün Xızı rayon Polis Şöbəsinə müraciət olunmuşdur.
Ağgöl Milli Parkının ərazisində qanunsuz ovla məşğul olan 8 nəfər saxlanılaraq onlardan 8 ov silahı və 96 patron götürülmüş, 6 nəfərə inzibati qaydada cərimə tətbiq olunmuş, digər 3 nəfərin şəxsiyyətinin müəyyən edilməsi üçün Ağcabədi Rayon Polis Şöbəsinə müraciət edilmişdir.
Hirkan Milli Parkının ərazisində qanunsuz ovla məşğul olan 1 nəfər saxlanılmış, ondan 1 ov silahı götürülərək inzibati qaydada cərimə olunmuşdur.
Şirvan Milli Parkının ərazisində qanunsuz ovla məşğul olan 1 nəfər saxlanılaraq ondan 1 ov silahı, 17 patron və 1 patrondaşı götürülmüş və həmin şəxs inzibati qaydada cərimə edilmişdir.
Şahdağ Milli Parkının ərazisində qanunsuz ovla məşğul olan 9 nəfər saxlanılmış, onlardan 9 ov silahı, 4 patron və 1 baş dağıstan turu götürülmüş və qanunu pozmuş şəxslərin hər biri inzibati qaydada cərimə olunmuşlar.
Qızılağac Dövlət Təbiət Qoruğunun ərazisində qanunsuz ovla məşğul olan 3 nəfər saxlanılmış, onlardan 3 ov silahı və 44 patron götürülmüş və həmin şəxslər inzibati qaydada cərimə edilmişdir.
Zaqatala Dövlət Təbiət Qoruğunun ərazisində qanunsuz ovla məşğul olan 8 nəfər saxlanılmış, onlardan 8 ov silahı və 10 patron götürülmüş, 7 nəfər inzibati qaydada cərimə edilmiş, 1 nəfərin isə şəxsiyyətinin müəyyənləşdirilməsi məqsədi ilə Balakən Rayon Polis Şöbəsinə müraciət olunmuşdur.
İlisu Dövlət Təbiət Qoruğunun ərazisində qanunsuz ovla məşğul olan 1 nəfər saxlanılmış, ondan 1 ov silahı və 4 patron götürülmüş və inzibati qaydada cərimə edilmişdir.
Samux Dövlət Ovçuluq Təsərrüfatının ərazisində qanunsuz ovla məşğul olan 5 nəfər saxlanılmış, onlardan 5 ov silahı və 4 patron götürülərək hər birinə inzibati qaydada cərimə tətbiq olunmuşdur.
Qırmızıkənd Ovçuluq Təsərrüfatının ərazisində qanunsuz ovla məşğul olan 4 nəfər saxlanılaraq onlardan 4 ov silahı və 2 patron götürülmüş və hər biri inzibati qaydada cərimə edilmişdir.
Zəvvar Ovçuluq Təsərrüfatının ərazisində qanunsuz ovla məşğul olan 3 nəfər saxlanılmış, onlardan 3 ov silahı və 4 patron götürülərək hər birinə inzibati qaydada cərimə tətbiq olunmuşdur.
Sarısu Ovçuluq Təsərrüfatının ərazisində qanunsuz ovla məşğul olan 2 nəfər saxlanılaraq onlardan 2 ov silahı və 40 patron götürülmüş və hər biri inzibati qaydada cərimə edilmişdir.
Mahmudçala Ovçuluq Təsərrüfatının ərazisində qanunsuz ovla məşğul olan 7 nəfər saxlanılmış, onlardan 7 ov silahı və 4 patron götürülərək hər biri inzibati qaydada cərimə olunmuş, 1 nəfərin isə ov hüququ 1 il müddətinə məhdudlaşdırılmışdır.
Ağzıbir Ovçuluq Təsərrüfatının ərazisində qanunsuz ovla məşğul olan 3 nəfər saxlanılmış, onlardan 3 ov silahı və 5 baş ördək götürülərək həmin şəxslər inzibati qaydada cərimə olunmuşdur.
Uludüz Ovçuluq Təsərrüfatının ərazisində qanunsuz ovla məşğul olan 1 nəfər saxlanılaraq ondan 1 ov silahı götürülmüş və həmin şəxsə inzibati qaydada cərimə tətbiq edilmişdir.
Ümumilikdə, aparılan araşdırmalar zamanı 61 nəfər qanun pozucusundan 61 ov silahı, 229 patron götürülmüş və qanun pozucularına qarşı 52 600 manat məbləğində cərimə tətbiq edilmişdir.