Fevral ayına olan hava proqnozu

Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, fevral ayında havanın orta aylıq temperaturunun iqlim normasına yaxın olacagı gözlənilir.
Fevral ayının birinci ongünlüyündə qeyri-sabit hava şəraitinin üstünlük təşkil edəcəyi, ongünlüyün bəzi günlərində temperaturun iqlim normasından bir qədər aşağı düşəcəyi, yağıntılı olacağı, şimal küləyinin tez-tez güclənəcəyi gözlənilir. Ayın ikinci yarısında isə temperaturun nisbətən yüksələcəyi ehtimal olunur.
Aylıq yağıntı miqdarının iqlim normasına yaxın, bəzi şimal-qərb və şərq rayonlarında isə normadan bir qədər çox olacağı ehtimal olunur.

Bakıda və Abşeron yarımadasında
Orta aylıq temperaturun 3-4 dərəcə isti (gecələr 1-4 dərəcə isti , birinci ongünlüyün ayrı-ayrı gecələrində 0-2 dərəcə şaxta; gündüzlər 6-11 dərəcə isti, birinci ongünlüyün ayrı-ayrı günlərində 1-3 dərəcə isti ) olacağı gözlənilir ki, bu da iqlim normasına yaxındır.
Aylıq yağıntı miqdarının iqlim normasına yaxın (norma 21-24 mm) olacağı gözlənilir.

Naxçıvan Muxtar Respublikasında
Orta aylıq temperaturun 2-4 dərəcə şaxta (gecələr 5-10 dərəcə şaxta, birinci ongünlüyün ayrı-ayrı gecələrində 14-18 dərəcə şaxta; gündüzlər 3 dərəcə şaxtadan 2 dərəcəyədək isti, birinci ongünlüyün ayrı-ayrı günlərində 5 dərəcəyədək şaxta, üçüncü ongünlüyün bəzi günlərində 5-8 dərəcə isti ) olacağı gözlənilir ki, bu da iqlim normasına yaxın və bir qədər aşağı göstəricidir.
Aylıq yağıntı miqdarının iqlim normasına yaxın (norma 11-29 mm) olacağı gözlənilir.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy zonalarında
Orta aylıq temperaturun 2-3 dərəcə şaxta (gecələr 3-8 dərəcə şaxta, birinci ongünlüyün ayrı-ayrı gecələrində 15-18 dərəcə şaxta; gündüzlər 2 dərəcə şaxtadan 3 dərəcəyədək isti, birinci ongünlüyün ayrı-ayrı günlərində 5 dərəcəyədək şaxta, üçüncü ongünlüyün bəzi günlərində 3-8 dərəcə isti ) olacağı gözlənilir ki, bu da iqlim normasına yaxın və bir qədər aşağı göstəricidir.
Aylıq yağıntı miqdarının iqlim normasına yaxın (norma 25-35 mm), bəzi yerlərdə isə bir qədər çox olacağı gözlənilir.

Qazax-Gəncə, Goranboy, Tərtər, Ağdam-Ağcabədi-Füzuli-Cəbrayıl zonalarında
Orta aylıq temperaturun 2-4 dərəcə isti (gecələr 2 dərəcə şaxtadan 3 dərəcəyədək isti, birinci ongünlüyün ayrı-ayrı gecələrində 4-8 dərəcə şaxta; gündüzlər 3-8 dərəcə isti, birinci ongünlüyün ayrı-ayrı günlərində 0-3 dərəcə şaxta, üçüncü ongünlükdə 7-12 dərəcə isti) olacağı gözlənilir ki, bu da iqlim normasına yaxındır.
Aylıq yağıntı miqdarının iqlim normasına yaxın (norma 15-22 mm), bəzi yerlərdə isə bir qədər çox olacağı gözlənilir.

Balakən-Zaqatala-Qax-Şəki-Oğuz-Qəbələ, İsmayıllı- Şamaxı-Xızı, Siyəzən, Şabran, Quba-Qusar-Xaçmaz zonalarında
Orta aylıq temperaturun 2 dərəcə şaxtadan 2 dərəcəyədək isti (gecələr 4 dərəcə şaxtadan 1 dərəcəyədək isti, birinci ongünlüyün ayrı-ayrı gecələrində 8-13 dərəcə şaxta; gündüzlər 2-7 dərəcə isti, birinci ongünlüyün ayrı-ayrı günlərində 0-5 dərəcə şaxta, üçüncü ongünlüyün bəzi günlərində 8-11 dərəcə isti) olacağı gözlənilir ki, bu da iqlim normasına yaxındır.
Aylıq yağıntı miqdarının iqlim normasına yaxın (norma 24-53 mm), bəzi yerlərdə isə bir qədər çox olacağı gözlənilir.

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında
Orta aylıq temperaturun 4-5 dərəcə isti (gecələr 0-5 dərəcə isti, birinci ongünlüyün ayrı-ayrı gecələrində 1-5 dərəcə şaxta; gündüzlər 6-10 dərəcə isti, birinci ongünlüyün ayrı-ayrı günlərində 1-4 dərəcə isti, üçüncü ongünlüyün bəzi günlərində 12-14 dərəcə isti) olacağı gözlənilir ki, bu da iqlim normasına yaxındır.
Aylıq yağıntı miqdarının iqlim normasına yaxın (norma 21-35 mm) olacağı gözlənilir.

Masallı-Lənkəran-Astara, Lerik-Yardımlı zonalarında
Orta aylıq temperaturun 4-5 dərəcə isti (gecələr 1-5 dərəcə isti, birinci ongünlüyün ayrı-ayrı gecələrində 0-3 dərəcə şaxta, dağlarda 5-10 dərəcə şaxta; gündüzlər 6-10 dərəcə isti, birinci ongünlüyün ayrı-ayrı günlərində 1-4 dərəcə isti, üçüncü ongünlükdə 12-14 dərəcə isti) olacağı gözlənilir ki, bu da iqlim normasına yaxındır.
Aylıq yağıntı miqdarının iqlim normasından çox (norma 44-105 mm) olacağı gözlənilir.