Yanğın hadisəsi baş verib

10 dekabr 2010-cu il tarixində saat 08:00 radələrində Şəki Meşə Mühafizəsi və Bərpası Müəssisəsinin Şin meşəbəyliyində yanğın hadisəsi baş verib.
Yerli əhalinin “Goru yaylağı” adlandırdığı yaylaqda baş verən yanğın sonradan meşə fondu ərazisinə keçmişdir.
Yanğının ovçular tərəfindən yandırılmış tonqalın söndürülməməsi səbəbindən baş verdiyi ehtimal olunur.
Qeyd edək ki, yanğın dekabrın 11-də saat 13-00 radələrində Ekologiya və Təbii Sərvətlər, Fövqəladə Hallar Nazirliklərinin yerli qurumları və əhalinin iştirakı ilə tam söndürülmüşdür.
Ümumilikdə 4 hektar ərazini əhatə etmiş yanğın zamanı əsasən xəzəl və kol-kos yanmışdır.