Yanğın hadisəsi baş verib

06 dekabr 2010-cu il tarixində saat 15:00-dan etibarən Şahdağ Milli Parkının Talıstan Meşəbəyliyinin 5 saylı dolayında yanğın hadisəsi baş verib.
Yanğın 2,5 hektaradək sahəni əhatə edib.
Qeyd edək ki, yanğının qarşısının alınmasına Ekologiya və Təbii Sərvətlər və Fövqəladə Hallar Nazirliklərinin yerli qurumları cəlb olunub.
Bundan əlavə, kənd sakinləri də yanğının söndürülməsinə yardım göstərir.
Yanğının geniş miqyas almaması və digər meşə zolaqlarına keçməməsi üçün tədbirlər görülür.
Xatırladaq ki, 02 dekabr 2010-cu il tarixində həmin ərazinin bələdiyyə ilə sərhəd sahəsində də yanğın hadisəsi baş vermişdi. Yanğın ümumilikdə 2 hektaradək sahəni əhatə etmiş, əsasən xəzəl və kol-kos yanmışdı.