Şahdağ Milli Parkının ərazisində yanğın hadisəsi baş vermişdir

12 noyabr 2010-cu il tarixdə gecə saat 2-3 radələrində Şahdağ Milli Parkının Quba rayonu ərazisindəki Xənagah kəndi yaxınlığında Rustov meşəbəyliyinin 8 saylı dolayında yanğın hadisəsi baş vermişdir.
İlkin araşdırmalara görə yanğına səbəb (yanğın baş vermiş ərazi kəndə bitişik olduğundan) kənd əhalisinin onlara məxsus torpaqlarda təmizlik işləri apararkən odla ehtiyatsız davranışı olmuşdur. Yanğın zamanı 2 hektar ərazidə qurumuş xəzəlin yanması müəyyən edilmişdir.
Ekologiya və Təbii Sərvətlər, Fövqəladə Hallar Nazirliklərinin yerli qurumlarının birgə səyi nəticəsində yanğın saat 15-00 radələrində tam söndürülmüşdür.
Hadisə nəticəsində Milli Parkın meşə örtüyünə ziyan dəyməmişdir.