İstirahət mərkəzlərində vəhşi heyvanların qəfəslərdə saxlanılmasının qarşısını almaq məqsədilə növbəti reyd keçirilmişdir

Ekologiya və Təbii Sərvətlər Nazirliyi vəhşi heyvanların ayrı-ayrı istirahət mərkəzlərində qəfəslərdə saxlanılmasının qarşısını almaq məqsədilə Daxili İşlər və Vergilər Nazirliklərinin əməkdaşları ilə birgə 09 noyabr 2010-cu il tarixində növbəti reyd keçirmişlər.
Keçirilmiş reydlər zamanı Bakı şəhəri Səbail rayonu ərazisində yerləşən “Qurd qapısı” restoranında 1 ədəd ayının, Lerik rayonu ərazisində yerləşən istirahət mərkəzində isə 3 ədəd ayının və 1 ədəd canavarın qəfəsdə saxlanılması aşkar edilərək qanunvericilikdə nəzərdə tutulmuş qaydada sənədləşdirilmişdir. Müsadirə olunmuş 4 ədəd ayı Altıağac Milli Parkının nəzdində fəaliyyət göstərərn Vəhşi Təbiətin Bərpası Mərkəzi və Reabilitasiya Klinikasına göndərilmiş, 1 ədəd canavar isə Hirkan Milli Parkının ərazisində təbiətə buraxılmışdır.
Bütün hallarda qanunu pozmuş şəxslər Azərbaycan Respublikasının “Heyvanlar aləmi haqqında” qanununa müvafiq olaraq inzibati qaydada məsuliyyətə cəlb edilərək cərimə olunmuşlar.
Hazırda respublika ərazisində bu kimi reydlər davam etdirilir.