“Xəzər həftəsi” ilə əlaqədar tədbirlərə start verildi

“Beynəlxalq dəniz həftəsi” ərəfəsində dünyada olduğu kimi ölkəmizdə də “Xəzər həftəsi”nin qeyd olunması məqsədilə 27”“30 sentyabr 2010-cu il tarixlərində ETSN tərəfindən hazırlanmış müvafiq tədbirlər planına əsasən müxtəlif kütləvi, maarifləndirici tədbirlərə start verilmiş və 28 sentyabr 2010-cu il tarixdə Buzovna qəsəbəsinin sahil zolağında iməcilik təşkil olunmuşdur.
İməcilikdə Nazirliyin əməkdaşları ilə birgə bələdiyyə, ictimaiyyət, QHT nümayəndələri, o cümlədən məktəblilər də iştirak etmiş və Buzovna-Mərdəkan çimərlikləri arasındakı 52 hektar ərazini 20 m3-dən artıq bərk məişət və digər növ tullantılardan təmizləmişlər.
Ekologiya və Təbii Sərvətlər Nazirliyi “Xəzər həftəsi” çərçivəsində sahilzolağı rayonların yerli icra strukturlarını, eləcə də bütün ictimaiyyət nümayəndələrini keçirilən bu kimi tədbirlərdə fəal iştirak etməyə çağırır.
Nazirlik müvafiq Tədbirlər Planına uyğun olaraq “Xəzər həftəsi” çərçivəsində ictimaiyyətin maarifləndirilməsinə xidmət edən mədəni-kütləvi tədbirləri davam etdirəcəkdir.