Yanğın qısa müddət ərzində operativ qaydada söndürülmüşdür

2010”“cu il 23 iyul tarixində saat 16:40 radələrində Ekologiya və Təbii Sərvətlər Nazirliyinin Xırdalan Meşə Mühafizəsi və Bərpası Müəssisəsinin (MMBM) xidməti ərazisi olan Ceyranbatan meşəbəyliyində yanğın hadisəsi baş vermişdir. Yanğına səbəb ərazidən keçən yüksək gərginlikli elektrik naqillərindən çıxan qığılcımlar olmuşdur.
Açıq və otla örtülü sahədə baş vermiş yanğın 1,5 hektar ərazini əhatə etmiş və meşə fonduna ziyan dəyməmişdir.
Yanğın qısa müddət ərzində Meşə Mühafizəsi və Bərpası Müəssisəsinin, Fövqəladə Hallar Nazirliyinin Abşeron rayon Dövlət Yanğından Mühafizə hissəsinin əməkdaşlarının köməkliyi ilə qısa müddət ərzində operativ qaydada söndürülmüşdür.
Ekologiya və Təbii Sərvətlər Nazirliyi Azərbaycan xalqının milli sərvəti olan meşə və yaşıllıqlarımızı qoruyub saxlamaq üçün əhalini diqqətli və fəal olmağa çağırır, vətəndaşlardan meşə ərazisində alov və ya tüstü müşahidə etdikdə dərhal FHN-nin yanğından mühafizə şöbələrinə, həmçinin ETSN-nin qaynar xəttinə  məlumat vermələrini xahiş edir.