2010-cu ilin 5 ayı ərzində ekoloji qanunvericiliyin tələblərinin pozulmasına görə 1354 akt və protokol tərtib olunmuşdur

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları 2010-cu ilin ötən beş ayı ərzində hüquqi fiziki şəxslər və vətəndaşlar tərəfindən yol verilmiş qanun pozuntularına görə 1354 akt və protokol tərtib olunmuş və nöqsanların aradan qaldırılması üçün icrası məcburi olan 425 göstəriş verilmişdir.
Ümumilikdə hüquqi və fiziki şəxslərə qarşı 383 iş üzrə 2178608,21 manat məbləğində cərimə tətbiq edilmiş, ondan 82592,68 manat ödənilmişdir. Ətraf mühitə dəymiş ziyanla bağlı 290 iş üzrə 628602,23 manat məbləğində iddia qaldırılmış, ondan 25148,49 manatın ödənilməsi təmin edilmişdir. İdarə və müəssisələrə 1331 iş üzrə 833770,9 manat məbləğində ödəmə tətbiq edilmiş, ondan 255508,26 manatın ödənilməsi təmin olunmuşdur. Tədbir görülməsi üçün hüquq-mühafizə orqanlarına göndərilmiş 58 işdən 13-nə, Məhkəmə Nəzarətçilərinə və Məhkəmə İcraçılarına göndərilmiş 205 işdən 23-nə, məhkəmələrə göndərilmiş 101 işdən 9-na baxılaraq müvafiq tədbir görülmüşdür.
Su ehtiyatlarının mühafizəsi üzrə 120 akt və protokol tərtib olunmuş və müəyyən edilmiş nöqsanların aradan qaldırılması üçün 57 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 23 iş üzrə 60440 manat məbləğində cərimə tətbiq edilmişdir. Ətraf mühitə dəymiş ziyanla bağlı 1 iş üzrə 100 manat məbləğində iddia qaldırılmış və ödənilməsi təmin edilmişdir. İdarə və müəssisələrə 279 iş üzrə 591350,58 manat məbləğində ödəmə tətbiq edilmişdir. Tədbir görülməsi üçün Məhkəmə Nəzarətçilərinə və Məhkəmə İcraçılarına göndərilmiş 10 işdən 1-nə baxılaraq müvafiq tədbir görülmüşdür.
Atmosfer havasının mühafizəsinə nəzarət məqsədilə müvafiq araşdırmalar aparılaraq 240 akt və protokol tərtib olunmuşdur. Aşkar olunmuş çatışmazlıqların aradan qaldırılması məqsədilə 175 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 20 iş üzrə 21480 manat məbləğində cərimə tətbiq edilmişdir. Ətraf mühitə dəymiş ziyanla bağlı 22 iş üzrə 705 manat məbləğində iddia qaldırımışdır. 589 iş üzrə 156172,48 manat məbləğində ödəmə tətbiq edilmişdir. Tədbir görülməsi üçün məhkəməyə göndərilmiş 1 işə baxılmamış, Məhkəmə Nəzarətçilərinə və Məhkəmə İcraçılarına göndərilmiş 5 işdən 3-nə baxılaraq müvafiq tədbir görülmüşdür.
Torpağın mühafizəsi sahəsində aşkar olunmuş qanun pozuntularına görə 104 akt tərtib olunmuş, müəyyən edilmiş nöqsanların aradan qaldırılması üçün 11 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 25 iş üzrə 38136,45 manat məbləğində cərimə tətbiq edilmişdir. Ətraf mühitə dəymiş ziyanla bağlı 6 iş üzrə 1499,3 manat məbləğində iddia qaldırılmışdır. İdarə və müəssisələrə 76 iş üzrə 5980 manat məbləğində ödəmə tətbiq edilmişdir. Tədbir görülməsi üçün məhkəməyə göndərilmiş 2 işə baxılmamış, Məhkəmə Nəzarətçilərinə və Məhkəmə İcraçılarına göndərilmiş 2 işdən 1-nə baxılaraq müvafiq tədbir görülmüşdür.
Yerin təkinin mühafizəsi sahəsində aşkar olunmuş qanun pozuntularına görə 78 akt tərtib olunmuş, müəyyən edilmiş nöqsanların aradan qaldırılması üçün 5 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 70 iş üzrə 55800 manat məbləğində cərimə tətbiq edilmişdir. Ətraf mühitə dəymiş ziyanla bağlı 27 iş üzrə 546385,68 manat məbləğində iddia qaldırılmışdır. İdarə və müəssisələrə 16 iş üzrə 10504,21 manat məbləğində ödəmə tətbiq edilmişdir. Tədbir görülməsi üçün hüquq-mühafizə orqanlarına göndərilmiş 3 işə baxılmamış, Məhkəmə Nəzarətçilərinə və Məhkəmə İcraçılarına göndərilmiş 37 işdən 3-nə baxılaraq müvafiq tədbir görülmüşdür.
Tullantıların idarə olunması sahəsində aşkar olunmuş qanun pozuntularına görə 269 akt və protokol tərtib olunmuş, müəyyən edilmiş nöqsanların aradan qaldırılması üçün müvafiq qanunvericiliyə əsasən 150 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 51 iş üzrə 148110 manat məbləğində cərimə tətbiq edilmişdir. Ətraf mühitə dəymiş ziyanla bağlı 9 iş üzrə 543 manat məbləğində iddia qaldırılmışdır. İdarə və müəssisələrə 370 iş üzrə 69713,63 manat məbləğində ödəmə tətbiq edilmişdir. Tədbir görülməsi üçün məhkəməyə göndərilmiş 2 işə baxılmamış, Məhkəmə Nəzarətçilərinə və Məhkəmə İcraçılarına göndərilmiş 27 işdən 3-nə baxılaraq müvafiq tədbir görülmüşdür.
Floranın mühafizəsi sahəsində aşkar olunmuş qanun pozuntularına görə 448 akt və protokol tərtib olunmuş, müəyyən edilmiş nöqsanların aradan qaldırılması üçün müvafiq qanunvericiliyə əsasən 27 icrası məcburi olan göstəriş verilmişdir. Qanun pozuntusuna yol verdiklərinə görə hüquqi və fiziki şəxslərə qarşı 160 iş üzrə 1821811,76 manat məbləğində cərimə tətbiq edilmişdir. Ətraf mühitə dəymiş ziyanla bağlı 146 iş üzrə 39677,25 manat məbləğində iddia qaldırılmışdır. 1 iş üzrə 50 manat məbləğində ödəmə tətbiq olunmuşdur. Tədbir görülməsi üçün hüquq-mühafizə orqanlarına göndərilmiş 35 işə baxılmamış, məhkəməyə göndərilmiş 19 işdən 3-nə, Məhkəmə Nəzarətçilərinə və Məhkəmə İcraçılarına göndərilmiş 100 işdən 12-nə baxılaraq müvafiq tədbir görülmüşdür.
Faunanın mühafizəsi üzrə 53 akt və protokol tərtib olunmuşdur. Qanun pozuntusuna yol verdiklərinə görə hüquqi və fiziki şəxslərə qarşı 31 iş üzrə 30680 manat məbləğində cərimə tətbiq edilmişdir. Ətraf mühitə dəymiş ziyanla bağlı 3 iş üzrə 3872 manat məbləğində iddia qaldırılmışdır. Tədbir görülməsi üçün məhkəməyə göndərilmiş 1 işə, Məhkəmə Nəzarətçilərinə və Məhkəmə İcraçılarına göndərilmiş 24 işə baxılmamış, hüquq-mühafizə orqanlarına göndərilmiş 5 işdən 2-nə baxılaraq müvafiq tədbir görülmüşdür.
Su hövzələrində bioloji resursların artırılması və mühafizəsi sahəsində 42 akt və protokol tərtib olunmuşdur. 3 iş üzrə 2150 manat məbləğində cərimə tətbiq edilmişdir. Dəymiş ziyanla bağlı 76 iş üzrə 35820 manat məbləğində iddia qaldırılmışdır. Tədbir görülməsi üçün məhkəməyə göndərilmiş 76 işdən 6-na, hüquq-mühafizə orqanlarına göndərilmiş 15 işdən 11-nə baxılaraq müvafiq tədbir görülmüşdür.