Ekoloji qanunvericiliyin tələblərinin pozulmasına görə 135 akt və protokol tərtib olunmuşdur

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları 2010-cu ilin 01-15 aprel tarixində ekoloji qanunvericiliyin tələblərinə riayət olunmasını yoxlamaq məqsədilə araşdırma aparmışlar.
Araşdırma zamanı hüquqi və fiziki şəxslər tərəfindən yol verilmiş qanun pozuntularına görə 135 akt və protokol tərtib olunmuş və nöqsanların aradan qaldırılması üçün icrası məcburi olan 53 göstəriş verilmişdir. Ümumilikdə 30 iş üzrə 71810 manat məbləğində cərimə tətbiq edilmiş, ondan 38035 manat ödənilmişdir. Ətraf mühitə dəymiş ziyanla bağlı 21 iş üzrə 390345,55 manat məbləğində iddia qaldırılmış, ondan 1687,86 manatın ödənilməsi təmin edilmişdir. İdarə və müəssisələrə 203 iş üzrə 55941,25 manat məbləğində ödəmə tətbiq edilmiş, ondan 23167,1 manatın ödənilməsi təmin olunmuşdur. Tədbir görülməsi üçün Məhkəmə Nəzarətçilərinə və Məhkəmə İcraçılarına göndərilmiş 32 işdən 1-nə baxılaraq müvafiq tədbir görülmüşdür. Hüquq-mühafizə orqanlarına göndərilmiş 4 işə baxılmamışdır.
Su ehtiyatlarının mühafizəsi üzrə 8 akt və protokol tərtib olunmuş və müəyyən edilmiş nöqsanların aradan qaldırılması üçün 4 icrası məcburi olan göstəriş verilmişdir. 1 iş üzrə 8000 manat məbləğində cərimə tətbiq edilmişdir. 52 iş üzrə 11163 manat məbləğində ödəmə tətbiq edilmiş, ondan 3675 manatın ödənilməsi təmin olunmuşdur.
Atmosfer havasının mühafizəsinə nəzarət məqsədilə müvafiq araşdırmalar aparılaraq 38 akt və protokol tərtib olunmuşdur. Aşkar olunmuş çatışmazlıqların aradan qaldırılması məqsədilə 21 icrası məcburi olan göstəriş verilmişdir. 2 iş üzrə 500 manat məbləğində cərimə tətbiq edilmiş, ondan (ötən ildən qalanla) 35000 manatın ödənilməsi təmin olunmuşdur. 77 iş üzrə 21949,25 manat məbləğində ödəmə tətbiq edilmiş, ondan 10267 manatın ödənilməsi təmin olunmuşdur.
Torpağın mühafizəsi sahəsində aşkar olunmuş qanun pozuntularına görə 7 akt və protokol tərtib olunmuş, müəyyən edilmiş nöqsanların aradan qaldırılması üçün 2 icrası məcburi olan göstəriş verilmişdir. 1 iş üzrə 200 manat məbləğində cərimə tətbiq edilmişdir. 3 iş üzrə 726 manat məbləğində ödəmə tətbiq edilmiş və ödənilməsi təmin olunmuşdur. Dəymiş ziyanla bağlı 5 iş üzrə 375 manat məbləğində iddia tətbiq edilmiş və ödənilməsi təmin olunmuşdur.
Yerin təkinin mühafizəsi sahəsində aşkar olunmuş qanun pozuntularına görə 13 akt və protokol tərtib olunmuş, müəyyən edilmiş nöqsanların aradan qaldırılması üçün 1 icrası məcburi olan göstəriş verilmişdir. 4 iş üzrə 7700 manat məbləğində cərimə tətbiq edilmiş, ondan 280 manatın ödənilməsi təmin olunmuşdur. Dəymiş ziyanla bağlı 10 iş üzrə 388951,75 manat məbləğində iddia tətbiq edilmişdir. 8 iş üzrə 3560 manat məbləğində ödəmə tətbiq edilmiş, ondan 1100 manat ödənilmişdir.
Tullantıların idarə olunması sahəsində aşkar olunmuş qanun pozuntularına görə 42 akt və protokol tərtib olunmuş, müəyyən edilmiş nöqsanların aradan qaldırılması üçün müvafiq qanunvericiliyə əsasən 20 icrası məcburi olan göstəriş verilmişdir. 3 iş üzrə 21200 manat məbləğində cərimə tətbiq edilmişdir. Dəymiş ziyanla bağlı 3 iş üzrə 200 manat məbləğində iddia tətbiq edilmiş və ödənilmişdir. 61 iş üzrə 18894 manat məbləğində ödəmə tətbiq edilmiş və ondan 7750,1 manatın ödənilməsi təmin olunmuşdur.
Floranın mühafizəsi sahəsində aşkar olunmuş qanun pozuntularına görə 27 akt və protokol tərtib olunmuş, müəyyən edilmiş nöqsanların aradan qaldırılması üçün müvafiq qanunvericiliyə əsasən 5 icrası məcburi olan göstəriş verilmişdir. 18 iş üzrə 34180 manat məbləqində cərimə tətbiq edilmiş, ondan 2715 manat ödənilmişdir. 5 iş üzrə 467,8 manat məbləğində iddia qaldırılmış, ondan (ötən ildən qalanla) 489,61 manatın ödənilməsi təmin edilmişdir.
Faunanın mühafizəsi üzrə 1 iş üzrə 30 manat məbləğində cərimə tətbiq edilmiş, ondan (ötən ildən qalanla) 40 manatın ödənilməsi təmin edilmişdir.