Ətraf mühitin mühafizəsinə yönəlmiş tədbirlər davam etdirilir

Ekologiya və Təbii Sərvətlər Nazirliyi Ətraf Mühitin Mühafizəsi Departamentinin əməkdaşları tərəfindən 2009-cu ilin 03-09 avqust tarixlərində ekoloji qanunvericiliyin tələblərinə riayət olunmasını yoxlamaq məqsədilə araşdırmalar aparılmışdır.
Araşdırmalar zamanı hüquqi və fiziki şəxslər tərəfindən yol verilmiş qanun pozuntularına görə 13 akt və protokol tərtib olunmuşdur. Ümumilikdə 6 iş üzrə 11000 manat məbləğində cərimə tətbiq edilmişdir.
Atmosfer havasının mühafizəsi üzrə 3 akt və protokol tərtib olunmuşdur.
Yerin təkinin mühafizəsi sahəsində 1 akt tərtib olunmuş, 4 iş üzrə 8000 manat məbləğində cərimə tətbiq edilmişdir.
Ətraf mühitə qanunsuz məişət və istehsalat tullantılarının yerləşdirilməsinə görə 4 akt və protokol tərtib olunmuş, 1 iş üzrə 2000 manat məbləğində cərimə tətbiq edilmişdir.
Floranın mühafizəsi sahəsində 1 akt tərtib olunmuş, 1 iş üzrə 1000 manat məbləğində cərimə tətbiq edilmişdir.
Faunanın mühafizəsi sahəsində 4 akt və protokol tərtib olunmuşdur.