“Ekoloji mövzuda yazılmış ən yaxşı məqalələr və televerilişlər” müsabiqəsinin qalibləri mükafatlandırıldı

2009”“cu il 24 iyun tarixində Ekologiya və Təbii Sərvətlər Nazirliyində “Beynəlxalq Ətraf mühit” günü ilə əlaqədar KİV nümayəndələri arasında keçirilən “Ekoloji mövzuda yazılmış ən yaxşı məqalələr və televerilişlər” üzrə 2009”“cu il müsabiqəsinin qaliblərinə mükafatlar təqdim olundu.
Nazirlik tərəfindən keçirilən müsabiqənin əsas məqsədi məhz ekologiya sahəsini işıqlandıran jurnalistlərin ekoloji vəziyyətin sağlamlaşdırılması, ətraf mühitin, təbii sərvətlərin, biomüxtəlifliyin mühafizəsi və qorunub saxlanılması, təbiətdən davamlı istifadənin təmin olunması, təbliğ edilməsi, əhalinin məlumatlandırılması istiqamətində fəaliyyətlərini dəyərləndirməkdən ibarətdir.
Belə ki, ictimaiyyət və media mənsubları ilə sıx əməkdaşlığa üstünlük verən nazirlik əhalinin ekoloji maarifləndirilməsi sahəsində jurnalistlərin rolunu, zəhmətini həmişə yüksək qiymətləndirir.
Beləliklə, müsabiqəyə təqdim edilmiş 130”“a qədər məqalə və televerilişlər arasında aparılan seçim nəticəsində ən yaxşı televerilişlərə görə “Azərbaycan Televiziya və Radio Verilişləri” Qapalı Səhmdar Cəmiyyətinin “Xəbərlər” İnformasiya proqramının müxbiri Elmir Məmmədov 1-ci mükafata, İctimai Televiziya və Radio Yayımları Şirkətinin müxbiri Elçin Mirzəyev 2-ci mükafata, Azad Azərbaycan Teleradio Yayım Şirkətinin müxbiri İradə Məmmədova isə 3-cü mükafata layiq görüldü.
Kütləvi informasiya vasitələrində dərc olunan məqalələrə görə isə “Exo” qəzetinin müxbiri Dilarə Əlizadə 1-ci mükafatın, “Paritet” qəzetinin müxbiri Babək Cahandarov 2-ci mükafatın, “Азербайджанский Конгресс” qəzetinin müxbiri Oksana Bulanova 3-cü mükafatın qalibi seçildi.
Eyni zamanda, gələcəkdə aktual ekoloji problemlərin araşdırılması, ictimaiyyətin ekoloji maarifləndirilməsi sahəsində fəaliyyətlərinin aktivləşdirilməsi məqsədilə müsabiqə iştirakçılarından daha 5 nəfərə həvəsləndirici mükafat təqdim olundu.