Transsərhəd çaylarda aparılan monitorinqin nəticələri (iyun ayının I ongünlüyü üçün)

Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti mütəmadi olaraq Kür və Araz transsərhəd çaylarının çirklənmə vəziyyətini öyrənmək məqsədilə hər ay 3 dəfə olmaqla monitorinqlər həyata keçirir. Departamentin əməkdaşları qonşu ölkələrin ərazisində yüksək çirklənməyə məruz qalmış Kür və Araz çayları, həmçinin onların transsərhəd qollarında iyun ayının I ongünlüyü üçün növbəti monitorinq həyata keçirmişlər. Monitorinqin nəticələri aşağıdakı cədvəldə öz əksini tapmışdır.

İnqredi- yentlər	Ölçü vahidi	YVQH	Su obyektləri
			Kür çayı Şıxlı-2 mən- təqəsi)	Araz çayı			Ağsta- façay	Ağsta- façay su anbarı
				Hora- diz məntə- qəsi	I Şah- sevən məntə- qəsi	Bəhram- təpə məntə- qəsi
Həll olmuş O2	mq/l	6	6,95	6,98	6,78	6,65	6,83	6,76
NH4	mq/l	0,39	0,257	0,15	0,15	0,14	0,039	0,091
Codluq	mq-ekv/l	7,0	6,24	3,8	3,7	3,6	5,48	6,44
Kadmium Cd2+	mkq/l	5	0,2	0,0	0,0	0,0	0,2	0,3
Qurğuşun Pb2+	mkq/l	100	57	12	12	11	40	60
Neft məhsulları	mq/l	0,05	0,07	0,05	0,05	0,05	0,05	0,06
Mis birləşmələri	mq/l	0,001	0,009	0,002	0,001	0,0013	0,005	0,009
Fenollar	mq/l	0,001	0,004	0,003	0,002	0,002	0,003	0,002

Cədvəldən göründüyü kimi, Kür çayının Gürcüstanla həmsərhəd Şıxlı-2 məntəqəsində suyun əsas çirkləndiricilərindən olan fenollar 4, mis birləşmələri 9, neft və neft məhsulları 1,4 dəfə, Ağstafaçayda fenollar 3, mis birləşmələri 5 dəfə, Ağstafaçay su anbarında isə fenollar 2, mis birləşmələri 9, neft və neft məhsulları 1,2 dəfə yol verilən qatılıq həddini (YVQH) keçmişdir.
Ermənistan respublikası ilə sərhəd zonasında olan Araz çayında mis birləşmələri və fenolların miqdarının yol verilən qatılıq həddindən 2-3 dəfə çox olduğu müəyyən edilmişdir.