05 iyun Ümumdünya ətraf mühitin mühafizəsi günü ilə bağlı müsabiqə keçirilir

Ekologiya və Təbii Sərvətlər Nazirliyi 05 iyun Ümumdünya ətraf mühitin mühafizəsi günü ölkədə ekoloji vəziyyətin sağlamlaşdırılması, ətraf mühitin, təbii sərvətlərin, biomüxtəlifliyin mühafizəsi və qorunub saxlanılması, təbiətdən davamlı istifadənin təmin olunması, təbliğ edilməsi, daha da inkişaf etdirilməsi və əhalinin məlumatlandırılması məqsədi ilə ekoloji mövzuda yazılmış ən yaxşı məqalələr və televiziyada verilmiş reportajlar üzrə jurnalistlər arasında müsabiqə keçirir.
Müsabiqənin şərtləri:

”¢ «Ekoloji mövzuda yazılmış ən yaxşı məqalələr və telereportajlar» üçün mükafat hər il, 05 iyun ərəfəsində Komissiya tərəfindən qalib hesab edilmiş jurnalistlərə və telereportyorlara təqdim olunur.
”¢ Müsabiqəyə 2007-2008-ci illər ərzində mətbuatda çap olunmuş məqalələr və televiziyada göstərilmiş reportajlar təqdim edilməlidir;
”¢ Məqalələrdə və telereportajlarda Azərbaycan Respublikasının füsünkar təbiəti, onun zəngin fauna və florası, təbii sərvətləri, ekoloji vəziyyətin sağlamlaşdırılması istiqamətində görülən işlər, mövcud problemlər və onların həlli üçün təkliflər, bu istiqamətdə Dövlət orqanlarının və ictimaiyyətin fəaliyyəti barədə və sair məlumatlar öz əksini tapmalıdır.
”¢ Məqalələr 0,5 çap vərəqindən, telereportajlar 10 dəqiqədən az olmamalı, latın əlifbası ilə yazılmalı və hər il 10 may tarixindən gec olmayaraq, hansı qəzet və ya jurnalda dərc olunduğu və televiziya kanalında nümayiş edilməsi (tarixi və â„–-si) göstərilməklə Komissiyaya təqdim olunmalıdır;
”¢ Müsabiqənin yekunlarına görə ekoloji mövzuda yazılmış ən yaxşı məqalələrin və telereportajların müəllifləri 2 nominasiya üzrə mükafatlandırılır:

- Qəzetdə çap olunmuş ən yaxşı məqalələr üzrə;
1-ci mükafat ”“ 500 manat;
2-ci mükafat ”“ 300 manat;
3-cü mükafat ”“ 200 manat;

- Televiziya kanallarında verilmiş ən yaxşı telereportaj üzrə;
1-ci mükafat ”“ 500 manat;
2-ci mükafat ”“ 300 manat;
3-cü mükafat ”“ 200 manat;

- Daha 10 həvəsləndirici mükafat-cəmi 500 manat məbləğində

Müsabiqə komissiyası
Ünvan: Bakı şəhəri,
B. Ağayev küçəsi 100A
Ekologiya və Təbii
Sərvətlər Nazirliyi
Əlaqə telefonu: 432-41-52