Yeniyetmələr arasında «İnsan Yer kürəsində» mövzusunda ekoloji elmi-tədqiqat layihələri müsabiqəsi keçirilir

Ekologiya və Təbii Sərvətlər Nazirliyi yetişməkdə olan gənc nəslin nümayəndələri arasında ekologiya və ətraf mühitin mühafizəsi sahələrinə dair problemlərin müzakirəsinə və həlli yollarının müəyyənləşdirilməsi ilə bağlı mülahizə yürütmək və dərkedici düşünmək bacarığını inkişaf etdirən, bioloji müxtəlifliyin qorunub saxlanması, artırılması, bərpası və davamlı istifadəsi ideyalarını özündə əks etdirən «İnsan Yer kürəsində» mövzusunda ekoloji elmi-tədqiqat layihələri müsabiqəsini təşkil edir.
Müsabiqənin şərtləri:

1. «İnsan Yer kürəsində» mövzusunda ekoloji elmi-tədqiqat layihələri
müsabiqəsi 5 (beş) nominasiyada keçirilir:

a) Təbii ekosistemlərin problemləri. Ekositemdə heyvanlar və bitkilər;
b) Əhalinin ekoloji problemləri. Resurs və enerji ehtiyatı problemi;
j) Qlobal iqlim dəyişmələri və bunun ekoloji mühitə təsiri;
ç) Ekologiya elminin yaranma tarixi və sonrakı inkişafı;
d) Ətraf mühitin yorunmasında ekoloji təhsil və tərbiyənin rolu.

2. «İnsan Yer kürəsində» mövzusunda müsabiqənin qalibləri hər ilin 15 oktyabr tarixi ərəfəsində Komissiya tərəfindən müəyyən ediləcək və onlara mükafatlar təqdim olunacaqdır.
3. Layihələr hər ilin 30 sentyabr tarixinədək Ekologiya və Təbii Sərvətlər Nazirliyində fəaliyyət göstərən Komissiyaya təqdim edilməlidir.
4. Müsabiqəyə təqdim edilən layihələrə müəlliflər tərəfindən özləri barədə və layihənin mahiyyəti haqqında qısa məlumatlar əlavə edilməlidir.
5. Layihələr A4 formatlı kağızda 10 səhifədən az olmamaq şərtilə təqdim edilməlidir.
7. Müsabiqənin yekunlarına əsasən qaliblər, layihələr hər bir naminasiya üzrə 200 manat olmaqla mükafatlandırılır.

Əlavə məlumat üçün əlaqə telefonu: 432 41 52 (Ekoloji Təbliğat şöbəsi)
Ünvan: Bakı ş. B.Ağayev 100 A, Ekologiya və Təbii Sərvətlər Nazirliyi