Azərbaycan Respublikası
Yevlax rayonunda 5 ədəd modul tipli su təmizləyici qurğulara baxış keçirilmişdir
04 Mart 2008, 00:00
Azərbaycan Respublikası Prezidenti cənab İlham Əliyev tərəfindən 2007”“ci il 20 iyun tarixində təsdiq olunmuş "Əhalinin ekoloji cəhətdən təmiz su ilə təminatının yaxşılaşdırılması ilə əlaqədar bəzi tədbirlər haqqında" 2245 N”“li Sərəncamda Kür və Araz çaylarının suyundan içməli su kimi istifadə edən bir sıra yaşayış məntəqələrinin ekoloji cəhətdən təmiz su ilə təmin edilməsi nəzərdə tutulmuşdur.
Qeyd olunan Sərəncamın icrası nəticəsində keyfiyyətli su imkanları məhdud olan 100 kənddə modul tipli təmizləyici qurğuların quraşdırılması hesabına 161,5 min kənd əhalisinə verilən su Ümumdünya Səhiyyə Təşkilatının normalarına uyğun təmizlənəcəkdir. İlkin olaraq 8 rayonda (Yevlax, Zərdab, Kürdəmir, İmişli, Sabirabad, Saatlı, Salyan və Neftçala) 50 yaşayış məntəqəsinin keyfiyyətli su təminatı məhdud olan və içməli sudan əziyyət çəkən 55 mindən çox əhalisinin içməli su ilə təmin olunması üzrə görülən işlər yekunlaşmışdır.
Ölkəyə gətirilmiş modul tipli su təmizləyici qurğular İtaliya, ABŞ, Almaniya, Belçika istehsalı olan avadanlıqlardan ibarətdir və Türkiyədə modulda komplektləşdirilmişdir. Qurğuların 40 ədədi gündə 20 m3, 10 ədədi isə gündə 30 m3 su təmizləmə gücünə malikdir.
Qeyd olunan 50 kənddə quraşdırılmış su təmizləyici qurğular Türkiyədə istehsal olunmuş 3000 metrdən çox boru kəmərləri vasitəsi ilə su mənbələrinə qoşulmuşdur. Bu kəndlərdə təmizləyici qurğulardan su paylayıcı bulaqlara qədər olan 168 460 metr boru xəttinin çəkilişi qurtarmışdır. Kəndlərdə 404 su paylayıcı bulaqların tikintisi başa çatdırılmış və bulaqlar üzlüklə üzlənmişdir.
2008-ci il 4 mart tarixində Yevlax rayonunun Bəydili, Yenicə, Əcəmi, Salamabad, Qaraoğlan kəndlərində yeni quraşdırılmış 5 ədəd modul tipli su təmizləyici qurğulara baxış keçirilmişdir. Quraşdırılmış qurğuların fəaliyyəti nəticəsində Yevlax rayonunun sözügedən kəndlərinin 4468 nəfər əhalisi 37 bulaq vasitəsi ilə təmiz içməli sudan istifadə edəcək.
Ekologiya və Təbii Sərvətlər Nazirliyinin
Mətbuat Xidməti
Qeyd olunan Sərəncamın icrası nəticəsində keyfiyyətli su imkanları məhdud olan 100 kənddə modul tipli təmizləyici qurğuların quraşdırılması hesabına 161,5 min kənd əhalisinə verilən su Ümumdünya Səhiyyə Təşkilatının normalarına uyğun təmizlənəcəkdir. İlkin olaraq 8 rayonda (Yevlax, Zərdab, Kürdəmir, İmişli, Sabirabad, Saatlı, Salyan və Neftçala) 50 yaşayış məntəqəsinin keyfiyyətli su təminatı məhdud olan və içməli sudan əziyyət çəkən 55 mindən çox əhalisinin içməli su ilə təmin olunması üzrə görülən işlər yekunlaşmışdır.
Ölkəyə gətirilmiş modul tipli su təmizləyici qurğular İtaliya, ABŞ, Almaniya, Belçika istehsalı olan avadanlıqlardan ibarətdir və Türkiyədə modulda komplektləşdirilmişdir. Qurğuların 40 ədədi gündə 20 m3, 10 ədədi isə gündə 30 m3 su təmizləmə gücünə malikdir.
Qeyd olunan 50 kənddə quraşdırılmış su təmizləyici qurğular Türkiyədə istehsal olunmuş 3000 metrdən çox boru kəmərləri vasitəsi ilə su mənbələrinə qoşulmuşdur. Bu kəndlərdə təmizləyici qurğulardan su paylayıcı bulaqlara qədər olan 168 460 metr boru xəttinin çəkilişi qurtarmışdır. Kəndlərdə 404 su paylayıcı bulaqların tikintisi başa çatdırılmış və bulaqlar üzlüklə üzlənmişdir.
2008-ci il 4 mart tarixində Yevlax rayonunun Bəydili, Yenicə, Əcəmi, Salamabad, Qaraoğlan kəndlərində yeni quraşdırılmış 5 ədəd modul tipli su təmizləyici qurğulara baxış keçirilmişdir. Quraşdırılmış qurğuların fəaliyyəti nəticəsində Yevlax rayonunun sözügedən kəndlərinin 4468 nəfər əhalisi 37 bulaq vasitəsi ilə təmiz içməli sudan istifadə edəcək.
Ekologiya və Təbii Sərvətlər Nazirliyinin
Mətbuat Xidməti
Paylaş
