“III Yaşıl düşüncə” maarifləndirmə proqramı çərçivəsində ağacəkmə aksiyası keçirilib.

Ekologiya və Təbii Sərvətlər Nazirliyi tərəfindən həyata keçirilən “III Yaşıl düşüncə” maarifləndirmə proqramı çərçivəsində gənclərin iştirakı ilə Müşfiqabad qəsəbəsində ağacəkmə aksiyası təşkil olunub.

Aksiya çərçivəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Tədbirin əsas məqsədi ətraf mühitin mühafizəsi, yaşıllıqların artırılması və iqlim dəyişikliyinin təsirlərinin azaldılması istiqamətində gənclərin fəal iştirakını və təşəbbüskarlığını təşviq etməkdir.