Yer Günü 2026: Bizim gücümüz, bizim planetimiz

2026-cı ildə Yer Gününün əsas şüarı dəyişməz qalır: “Bizim gücümüz, bizim planetimiz”. Ekoloji, iqtisadi və sosial çağırışları özündə əks etdirən bu yanaşma insanların və icmaların ətraf mühitin qorunmasında oynadığı rolu vurğulayır.

Planetin gələcəyi yalnız böyük qərarların deyil, hər bir insanın seçimlərinin nəticəsidir. Çünki bu seçimlər birbaşa olaraq həyat keyfiyyətinə təsir edir – yaşayış xərclərindən tutmuş sağlamlığa, suya çıxışdan tutmuş enerji təminatına qədər. Ekoloji vəziyyət qida təhlükəsizliyi, infrastruktur dayanıqlılığı, iqtisadi sabitliyə təsir göstərir.

1970-ci ildən etibarən Yer Günü insanların bir araya gələrək dəyişikliklər etməsinə, daha sağlam cəmiyyətlər formalaşmasına imkan yaradır.

Bu ekoloji təqvim günü bütün dünyada icmaları aktiv fəaliyyətə çağırır, hər kəs təmiz hava, təmiz su, təmiz enerji və iqlim sabitliyi üçün addım atmağa dəvət olunur. Çünki bu, yalnız planetin deyil – bizim həyatımızın, sağlamlığımızın və gələcəyimizin təminatıdır.