“Yaşıl dünya naminə həmrəylik ili” çərçivəsində növbəti ağacəkmə aksiyası keçirilib

“Yaşıl dünya naminə həmrəylik ili” çərçivəsində Ekologiya və Təbii Sərvətlər Nazirliyinin təşkilatçılığı ilə keçirilən növbəti ağacəkmə aksiyasına ETSN-in, Dini Qurumlarla İş üzrə Dövlət Komitəsinin rəhbərliyi və əməkdaşları, eləcə də din xadimləri, müxtəlif dini konfessiya nümayəndələri, həmçinin Dövlət Komitəsinin könüllüləri və ekokönüllülər qoşulub.

Müşfiqabad qəsəbəsində keçirilən aksiyası zamanı Abşeron yarımadasının torpaq-iqlim şəraitinə uyğun ağaclar əkilib.

“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini yaşıllıqların bərpasına və artırılmasına yönəltmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir.