“Yaşıl dünya naminə həmrəylik ili” çərçivəsində Azərbaycan Dövlət Pedaqoji Universitetində maarifləndirici tədbir keçirilib

“Yaşıl dünya naminə həmrəylik ili” çərçivəsində Milli Hidrometeorologiya Xidmətinin əməkdaşlarının iştirakı ilə Azərbaycan Dövlət Pedaqoji Universitetinin müəllim və tələbələri üçün “Azərbaycanda COP29 tədbirinin uğurla təşkilinin beynəlxalq münasibətlər və ekoloji təhlükəsizlik kontekstində əhəmiyyəti” mövzusunda seminar keçirilib.

İnteraktiv formatda təşkil olunan tədbirdə Xidmətin mütəxəssisləri tərəfindən ölkəmizdə qlobal iqlim dəyişmələri ilə mübarizə istiqamətləri, COP29-da əldə olunan nailiyyətlər, yaşıl iqtisadiyyata ədalətli keçid, müasir dünyada iqlim diplomatiyasının əsas çağırışları mövzularını əhatə edən təqdimatla çıxışlar edilib.

Seminarın sonunda tədbir iştirakçılarının mövzu üzrə maraqlandıran sualları cavablandırılıb və gələcək əməkdaşlıq perspektivləri müzakirə olunub.