Növbəti “Flaminqo festivalı” keçiriləcək

7 dekabr tarixində Ekologiya və Təbii Sərvətlər Nazirliyinin və Dövlət Turizm Agentliyinin birgə təşkilatçılığı ilə Qızılağac Milli Parkında növbəti flaminqo festivalı baş tutacaq.

Festival çərçivəsində qayıq və kvadrasikllarla gəzinti, quşların müşahidəsi, ölkəmizdə yerləşən milli parkların tanıdılması məqsədilə stendlərin nümayişi, rəsm çəkmək üzrə master klass, əyləncəli musiqili proqram və s. tədbirlər təşkil olunacaq.

Maraqlı və əyləncəli vaxt keçirmək istəyən hər kəsi dekabrın 7-si saat 11:00-dan 15:00-dək Qızılağac Milli Parkına dəvət edirik.