Göygöl Milli Parkında Maralgöl marşrutuna tur təşkil edilib

Göygöl Milli Parkının Maralgöl marşrutuna 100-ə yaxın turistin iştirakı ilə infotur təşkil olunub.

Milli parkda yerləşən Maralgöl hər fəsildə olduğu kimi payız mövsümündə də füsunkar təbiət mənzərəsi ilə seçilir. Dağlarla əhatə olunmuş gölün ətrafında yarpaqların qızılı və narıncı tonlarına bürünməsi ziyarətçiləri valeh edib.

Tura qatılanlar gölün sakitliyindən, təmiz dağ havasından zövq alıb, flora və fauna aləmini yaxından müşahidə ediblər.