“Yaşıl dünya naminə həmrəylik ili” çərçivəsində məktəblilər üçün Situasiya Mərkəzinə ekskursiya təşkil olunub

Tədbir zaman Xidmətin mütəxəssisləri tərəfindən məktəblilərə Hidrometeorologiya muzeyində yer alan milli hidrometeorologiya tariximizi əks etdirən foto şəkillər, eksponatlar, ölçü cihazları nümayiş etdirilərək məlumat verilib.

Daha sonra Situasiya Mərkəzində şagirdlərə hidrometeoroloji müşahidələrin təşkili, hidrometeoroloji məlumatların qəbulu, emalı, vizuallaşması, həmçinin əldə edilmiş məlumatlar əsasında hava proqnozunun hazırlanması prosesi izah olunub.

Tədbirin sonunda şagirdlərlə ətraf mühitin mühafizəsində, ətraf mühitin qorunmasında kiçik yaşlıların rolu barədə diskussiya aparılıb, eyni zamanda uşaqlara ekologiya sahəsində görülən tədbirlər barədə məlumat verilib.