Regionlarda maarifləndirici tədbirlər davam edir

“Yaşıl dünya naminə həmrəylik ili” çərçivəsində regionlarda yaşayan əhalinin ətraf mühitin mühafizəsi sahəsində məlumatlılığını və bu sahəyə olan məsuliyyətini artırmaq məqsədilə Regional Ekologiya və Təbii Sərvətlər İdarələrinin əməkdaşları tərəfindən mütəmadi olaraq maarifləndirici görüşlər keçirilir.

Növbəti görüşlər zamanı mütəxəssislər tərəfindən Zaqatala rayon Kebeloba kənd ümumi orta məktəbin, M.Xəzani adına Füzuli rayon musiqi təmayüllü internat tipli gimnaziyanın, Bərdə şəhəri S.Behbudov adına 6 nömrəli tam orta məktəbin, Samux rayon Sərkar kənd Nizami Gəncəvi adına tam orta məktəbin, Cəbrayıl rayonu Cəbrayıl şəhəri tam orta məktəbin şagirdləri ətraf mühitin mühafizəsi, “Sıfır tullantı” təşəbbüsü, iqlim dəyişmələrinə qarşı görülən tədbirlər və s. sahələrdə ətraflı məlumatlandırılıb, müzakirə olunan mövzular ətrafında verilən suallar cavablandırılıb.