22 sentyabr - Ümumdünya Avtomobilsiz Günü

Hər il sentyabrın 22-də dünyanın bir çox ölkələri “Ümumdünya Avtomobilsiz Günü”nü qeyd edərək, sürücüləri bir günlük avtomobillərindən imtina etməyə təşviq edir.

Tədbir havanın çirklənməsinin azaldılması, daha təhlükəsiz mühitdə gəzinti və velosiped sürməyin təşviqi də daxil olmaqla, vətəndaşlara avtomobilsiz getməyin çoxsaylı faydalarını vurğulayır.

Qeyd edək ki, Ümumdünya Avtomobilsiz Günü ilə əlaqədar Ekologiya və Təbii Sərvətlər Nazirliyi, Gənclər və İdman Nazirliyi, COP29 Azərbaycan Əməliyyat Şirkəti, Dənizkənarı Milli Park və Azərbaycan Velosiped Federasiyasının birgə təşkilatçılığı ilə veloyürüş təşkil olunacaq.

Yürüşə qatılmaq istəyən hər kəsi velosipedləri ilə saat 11:00-da Dəniz Mall ticarət mərkəzinin qarşısında gözləyirik.