Ölkəmizin Paris Sazişi çərçivəsindəki iqlim öhdəliklərinin yenilənməsi çərçivəsində inklüzivliyin təmin edilməsi məqsədilə görüşlər davam edir.

Bu məqsədlə Milli Səviyyədə Müəyyən Edilmiş Töhfələr (NDC) sənədi və Uzunmüddətli Aşağıkarbonlu İnkişaf Strategiyasının (LTS) layihəsinin hazırlanmasında cəlb edilmiş beynəlxalq məsləhətçi şirkətin iştirakı ilə yerli icra hakimiyyəti orqanları, o cümlədən işğaldan azad edilmiş ərazilərdə Azərbaycan Respublikası Prezidentinin xüsusi nümayəndəlikləri, özəl sektor və biznes subyektləri, akademik sektor və ali təhsil müəssisələrinin nümayəndələri ilə fikir mübadiləsi aparılıb.