“Tullantıları dəyərə, ekoçantanı vərdişə çevir” devizi ilə “Tullantıları ekoçantaya dəyiş” aksiyası keçirilib

Ekologiya və Təbii Sərvətlər Nazirliyinin təşkilatçılığı, “Araz” supermarketlər şəbəkəsinin dəstəyi ilə “Tullantıları ekoçantaya dəyiş” aksiyası Araz supermarketin Nizami rayonu filialında keçirilib.

Aksiya zamanı vətəndaşlar ümumi tutumu 2345 litr olan plastik və 32 ədəd işlənmiş batareya təhvil verərək əvəzində ekoçanta əldə ediblər.

Bu təşəbbüs insanları ətraf mühiti qorumağa təşviq etməyə, təkrar emal mədəniyyətinin yayılmasına, “ekoloji dost” məhsullardan istifadənin genişlənməsinə dəstək məqsədi daşıyır.