Ekologiya və təbii sərvətlər naziri vətəndaşları qəbul edib

Azərbaycan Respublikasının Prezidenti cənab İlham Əliyevin tapşırıq və tövsiyələrinə əsasən vətəndaş məmnunluğunun təmin olunması məqsədilə Ekologiya və təbii sərvətlər naziri Muxtar Babayev avqustun 21-də ETSN-nin inzibati binasında vətəndaşları qəbul edib.

Qəbul zamanı ətraf mühitin mühafizəsi, yaşıllıqların qorunması, işlə təminolunma və digər məsələlərlə bağlı vətəndaşların müraciətləri dinlənilib.

Qaldırılan məsələlərin bir qismi yerindəcə həllini tapıb, digərlərinin araşdırılaraq zəruri tədbirlərin görülməsi üçün Nazirliyin məsul işçilərinə müvafiq tapşırıqlar verilib.