“Tullantıları dəyərə, ekoçantanı vərdişə çevir” devizi ilə “Tullantıları ekoçantaya dəyiş” aksiyası keçirilib

Ekologiya və Təbii Sərvətlər Nazirliyinin təşkilatçılığı, “Araz” supermarketlər şəbəkəsinin dəstəyi ilə “Tullantıları dəyərə, ekoçantanı vərdişə çevir” aksiyası Sahil qəsəbəsində keçirilib.

Aksiya zamanı vətəndaşlar ümumi tutumu 497 litr olan plastik, 98 litr olan şüşə butulka və 93 ədəd işlənmiş batareya təhvil verərək əvəzində ekoçanta əldə ediblər.

Əhali arasında tullantıların çeşidlənməsinin önəmini vurğulamaq, təkrar emala dəstək olmaq məqsədilə keçirilən aksiyalarda fəal iştirak edən bütün vətəndaşlara təşəkkür edir, hər kəsi polietilen torbalar əvəzinə ekoçantalardan istifadəyə etməyə çağırırıq.