Oduncaq tədarükü ilə əlaqədar ictimai dinləmələr davam etdirilir

Qışa hazırlıq məqsədilə oduncaq tədarükü ilə əlaqədar 2 və 3 avqust tarixlərində Şamaxı, İsmayıllı, Lerik, Astara, Oğuz və Qəbələ rayonlarında ictimai dinləmələr keçirilib.

Şəffaflığın təmin olunması, ictimai nəzarətin həyata keçirilməsi məqsədilə ictimai fəalların, kənd sakinlərinin iştirakı ilə keçirilən ictimai dinləmələrdə qırma sahələrinin ayrılması, oduncaq tədarükü və satışının həyata keçirilməsi qaydaları haqqında ətraflı məlumat verilib.

Qeyd edək ki, Regional Meşə Təsərrüfatı Mərkəzlərinin xidməti ərazilərində tədarük olunan oduncaq ilk növbədə Müdafiə Nazirliyinin, Sərhəd və Daxili Qoşunların hərbi hissələrinə, təhsil, səhiyyə müəssisələrinə və qazlaşdırılmayan kəndlərinin əhalisinə dəyəri əvvəlcədən ödənilmək şərtilə verilir.