Ümumdünya Meteorologiya Təşkilatının Potensialının İnkişafı Çərçivə Proqramının müzakirəsinə həsr edilmiş işçi görüşü keçirilib

Milli Hidrometeorologiya Xidmətinin MDB-nin Hidrometeorologiya üzrə Dövlətlərarası Şurasında sədrliyi çərçivəsində onlayn formatda işçi görüşü keçirilib.

Görüşün əsas məqsədi 19-cu Ümumdünya Meteorologiya Konqresində qəbul edilmiş Ümumdünya Meteorologiya Təşkilatının Potensialının İnkişafı Çərçivə Proqramının icrası üzrə fəaliyyət planının müzakirəsindən ibarət olub.

MDB-nin Hidrometeorologiya üzrə Dövlətlərarası Şurasının 34-cü sessiyasının tədbirlər planının icrası məqsədilə təşkil olunan görüşdə Azərbaycan, Rusiya, Qazaxıstan, Qırğızıstan, Özbəkistan, Belarus və digər ölkələrin hidrometeorologiya qurumlarının rəhbər təmsilçiləri iştirak edib. Görüşdə mövzu ətrafında çıxışlar səsləndirilib, təqdimatlar nümayiş etdirilib.