Ümumdünya ətraf mühit günü regionlarda müxtəlif maarifləndirici tədbirlərlə qeyd olunub

Regional Ekologiya və Təbii Sərvətlər İdarələrinin əməkdaşları tərəfindən 5 iyun “Ümumdünya Ətraf Mühit Günü” ilə əlaqədar Cəbrayıl rayonu, Cocuq Mərcanlı kənd icra nümayəndəliyində, Zaqatala rayon Car kənd 1 nömrəli tam orta məktəbdə, Şirvan şəhər 16 saylı tam orta məktəbdə, Bərdə şəhəri N.Nərimanov adına 3 nömrəli tam orta məktəbdə, R.N.Musayev adına İnteqrasiya təlimli internat tipli gimnaziya məktəbində, Zaqatala rayon Uzunqazmalar kənd ümumi orta məktəb və Qandax kənd V.Saatov adına tam orta məktəbdə, Şəki Dövlət Peşə Təhsil Mərkəzində maarifləndirici tədbirlər keçirilib.

Tədbirlər zamanı iştirakçılara Ümumdünya Ətraf Mühit Gününün keçirilməsinin əhəmiyyəti, ölkəmizdə ətraf mühitin mühafizəsi sahəsində görülən işlər, ictimaiyyətin diqqətinin ekoloji problemlərin həllinə yönəltməklə təbiəti qorumağın vacibliyi barədə məlumatlar verilib, onları maraqlandıran suallar cavablandırılıb.